افغانستان شفافیت ادارهسی رسمیلرینینگ ایتیشیچه، مملکت سالیق وزیرلیگی 1395- ییل مالی بودجه تصدیقلنیشی و ایجاد ایتیلیشیگه مدنی جماعهچیلیگینی کوزگه توتمهگن. اوشبو اداره باشلیغی محمداکرم افضلینینگ ایتیشیچه، بو بودجه یالغیز ملی سوزینی اوزیگه آلگن، اصلده برچه اختیاراتی حکومت قولیگه بولگن.
جناب افضلینینگ ایتیشیچه، مالی ییل بودجهسیده ایش اولویتلری و لایحهلر توغریسیدهگی موضوعلر چیگللیکده قالگن. جناب افضلی، اوشبو بودجه میدیا و مدنی ادارهلر نظریدن قالگنی و ایش اولویتی کوزگه توتیلمهگنینی ینگی بودجه اساسی قیینچیلیکلریدن دیب بیلهدی.
شونینگدیک، نمایندهلر کینگشی ملی بودجه کمیسیونی عضوی شینکی کروخیلنینگ، شو توغریده (14- قوس، شنبه کون) اوتکزیلگن خبری ییغینده ایتیشیچه، رسمیلر اوشبو موضوع خصوصیده، بی فرق یاندهشهدی. او، نمایندهلر کینگشیدن مدنی ادارهلر و نمایندهلر اشتراکیده اوشبو بودجهنی تیکشیریش اوچون کمیته تشکیل ایتیشینی سورهدی.
.jpg)
خانم کروخیلگه کوره، ینگی ییل مالی بودجهسی چیگل دیر و مجلس اعضالریدن کوپینچهسینینگ باشی آچیلمهیدی و انه شو سبب، بو توغریده نظر بیرهآلمهیدی.
عین حالده، اوشبو بودجه سنامجلسی تامانیدن تصدیقلنیب و تصدیقلنیشی خصوصیده، نمایندهلر کینگشیگه یوباریلگن. اساسی قانونگه کوره، مجلس نمایندهلری بیر آی بحث و تیکشیرووگه آلیب، اونی تصدیقلشی کیرهک.
ینگی مالی ییل، هر ییل جدی آیی باشیدن باشلنهدی.
سالیق وزیری، 1395- ییل مالی بودجهسینی (4- قوس) سنامجلسی تأیید قیلگنیدن کیین، رسمی شکلده نمایندهلر کینگشیگه ارایه ایتدی.
اوشبو بودجه 461.8 میلیارد افغانی دیر و بو جملهدن 283.3 میلیاردی عادی بودجه و باشقه 188.5 میلیاردی رواجلنتیریش بودجه دیر.
عین حالده، 1394- ییل مالی بودجهسی 422 میلیارد افغانیگه ییتیشردی و بو جملهدن 282 میلیاردی عادی بودجه و باشقه 140 میلیاردی رواجلنتیریش بودجه ایدی.
