افغانستان مرکزی بانک رسمیلرینینگ ایتیشیچه، بو بانکنی ننگرهار ولایتی «اسپین بولدک» دهگی خزانهسیدن یوقالگن 76 میلیون افغانی پولی قیتهدن بو بانککه قیتیریلگن.
اوشبو مبلغ، قندهار ولایتی اسپین بولدکده گی مرکزی بانک سابق مدیری سید احمد آغا و قیین آغاسی آرقهلی میلادی 2014- ییل مذکور بانک خزانهسیدن چیقاریلگن.
یکشنبه کونی سید احمد آغا نینگ سلام وطندارگه ایتیشیچه، او کینگ فساد، پارهخورلیک و اوغیرلیک موجودلیگی باعث بو پولنی بانکدن چیقاریب امنیت تامین لنگن ییرگه انتقال بیرگن.
اونینگ کوپیتیریشیچه، نیچه مرته مرکزی مسؤول لرینی اسپین بولدک بانکیده اداری فساد موجودلیگیدن آگاه لنتیرگن، بیراق اولر بو مسئله توغریسیده اعتبار بیرمهگنلر.
جناب سیدآغا، دولتدن اداری فسادگه قولی بار کیشیلرنی توتقونگه آلیب جزالهشینی سورهگن.
افغانستان مرکزی بانک خزانهسی نینگ مدیری نورمحمد، سید آغادن بو پولنی بانک خزانهسیگه قیترگنی اوچون منتدارلیک بیلدیرگن.
شونینگدیک قندهار امنیه قومندانلیگی جنایی جرم ادارهسی باشلیغی محمدرحیم علیخیل، سید آغانینگ بو ایشینی قدرلب و اداری فسادگه قولی بار کیشیلرنی توتقونگه آلیشینی تیلگه ایتگن.
ایتیش کیره ک بوندن آلدین، افغانستان مرکزی بانک ایشچیلریدن بیر قطاری بانک پولینی چقاریشگه عیب لنیب توتقونگه آلینگن ایدی. قندهار امنیه قوماندانلیگی جنایی جرم ادارهسی باشلیغینینگ ایتیشیچه، گناهسیز کیشیلرنی برچهسی تیزلیکده قوییب یوباریلهدی.
