ملی بیرلیک حکومتی نینگ سونگی نامزد وزیری تانیشتیریلدی.
افغانستان جمهورلیک سرایی، تینچ لیک عالی کینگشی نینگ سابق اعضاسی معصوم استانکزی ملی مدافعه وزیرلیگی نامزدی صفتیده پارلمانگه تانیشتیریلگنیدن خبر بیردی.
جمهورلیک سرایی سوزلاوچیسی اجمل عبیدعابدی نینگ سلاموطندار بیلن تلیفونی سوزلهشیب ایتیشیچه، محمد معصوم استانکزی، مدافعه وزیرلیگی نامزدی صفتیده تصدیقلندی.
او، ایشانچ رایی آلیش آواز آلیش پارلمانگه تانیشتیریلگن.
شونینگدیک دگر جنرال قدم شاه شهیم ملی کوچلر حربی مرکزی باشلیغی حیثیده و دگر جنرال عبدالخالق مملکت ملی مدافعه وزیرلیگی اورین باسری صفتیده تانیشتیریلگنلر.
عابدی، جناب استانکزی نینگ نامزدلیگی و جناب شهیم بیلن عبدالخالق نینگ ایسه تیلگن لوازمگه تعین ایتیلیش مکتوبی اوتکن کون جمهور رییس تامانیدن امضاء لنگنلیگینی ایتگن.
معصوم استانکزی نامزدلیگی اوچون ایریم قرشیلیکلر
جمهور رییس ثور آیی نینگ 30 – سیده تماس خلق ارا گروهی ییغینی جریانیده مملکت مدافعه وزیرلیگی اوچون جناب معصوم استانکزی نامزدلیگی تیلگه آلگن ایدی.
بو مسله بلخ ولایت سرپرستی و جمعیت اسلامی حزبی رهبری عطامحمدنور نینگ تنقیدی بیلن روپه ره بولگن ایدی.
جناب نور، اوز فیس بوک صحیفهسیده معصوم استانکزی نی جمعیت اسلامی حزبی نینگ رهبری برهان الدین ربانی نینگ قاتل عاملی دیگن ایدی.
اوشبو موضوع باعث اجراییه ریاستی و جمعیت اسلامی حزبی اورتهسیده تارتیشوولر اورتهگه چققنی ایتیلدی.
بیراق، ایش بیلرمانلر بو تارتیشوولر اونچهلیک مهم بولمه گن لیگینی ایتگنلر.
جناب نور، جمعیت اسلامی حزبی نینگ رهبری استاد برهان الدین ربانی قتلی بارهسیده استانکزی نینگ قولی بارلیگینی ادعا قیلگن.
سیاسی ایش بیلرمان جاوید کوهستانی نینگ سلام وطندارگه ایتیشیچه، بو قبیل تارتیشوولر جمعیت اسلامی حزبی نینگ رهبرلری و اجراییه ریاستی اورتهسیدهگی موجود علاقهلرگه سلبی تاثیر تشلمهیدی.
جناب کوهستانی نینگ کوپیتیریشیچه، مدافعه وزیرلیگی اوچون معصوم استانکزی نینگ نامزدلیگی ملی بیرلیک حکومتی رهبرلری قراری اساسیده عملی بولگن.
