مملکتده 18 دن آرتیق مدنی اداره اعضالرینینگ ایتیشیچه، اولردن سیلاولرگه اصلاحات کیلتیریش کمیسیونینینگ تنلش کمیتهسیگه نماینده تانیشتیریلمهگن و بیرقطار مدنی اداره اوز اختیاریده بعضی بیر کیشینی برچه مدنی ادارهلر تامانیدن اوشبو کمیسیونگه تانیشتیرگن. اولرنینگ ایتیشیچه، مدنی ادارهلر تامانیدن تنلش کمیتهسیگه تانیشتیریلگن کیشی نعیم ایوبزاده هیچ بیر ایش قیله آلمهیدی.
اعتراضچیلردن بیری خانزمان امرخیلنینگ، (دوشنبه کون) اوتکزیلگن ییغینده ایتیشیچه، هیچ بیر اداره سیلاو یولگه قوییلمسدن باشقه موجود ادارهلردن نمایندهلیک و اوز ایستکلرینی باشقهلر اوستیگه تحمیل قیله آلمهیدی.
جناب امرخیلنینگ ایتیشیچه، باشقه ادارهلر آتیدن فایدهلنیب و ملی منفعت اورنیده شخصی منفعتگه ایش قیلگن ادارهلر آلدی آلینیشی لازم. اونگه کوره، بوندهی ایشلر مدنی فعاللر خصوصیده خلق ایشانچینی کمهیتیریشیگه سبب بولیب، ملی و اسلامی ارزشلر و مملکت اساسی قانونیگه اهانت دیر.
انچه پیت آلدین اداری ایشلر ادارهسی بیر فرمان صادر ایتکن ایدی، اونگه اساس، باش محکمه، اداری اصلاحاتلر کمیسیونلری، انسان حقوقلری، خبرچیلر، فعال عیاللر و مدنی جماعهچیلیک ادارهلری تامانیدن، سیلاولرگه اصلاحات کیلتیریش کمیسیونینینگ تنلش کمیتهسیگه اعضا بولیش خصوصیده نماینده تانیشتیریلهدی.
اوشبو اعتراضچیلر حکومت باشلیغلرینی آگاهلنتیریب، برچه مدنی ادارهلر بیلن بیردیک حرکت قیلمهگن صورتده، مذکور ادارهلرنی هرتامانلمه ناراضیلیکلریگه روپهره بولیشینی ایتکن.
بیراق، سیلاولر تیزیمیگه اصلاحات کیریتیش کمیسیون اورین باسری صدیقالله توحیدینینگ ایتیشیچه، برچه مدنی ادارهلر تامانیدن تنلش کمیتهسیگه بیر نماینده تانیشتیریلگن. جناب توحیدیگه کوره، انسان حقوقلری و خبرچیلر نمایندهلری خصوصیده شوندهی بیر قیینچیلیککه روپهره ایکن، حاضر حل بولگن.
ایتیلیشیچه، تنلش کمیتهسی، سیلاولر تیزیمیگه اصلاحات کیریتیش کمیسیونیگه تانیشتیریلگن 21 کمشنردن 7 تهسینی تنلب و اولرنی سونگی رویخطینی تصدیقلش اوچون جمهور رییسگه یوبارهدی.
