افغانستان بوییچه بیرلشگن ملتلر تشکیلاتی نینگ اورینباسرلیک هیأت یا-ده یوناما، مملکتده زوروانلیک و تینچ اهالی نینگ تلفاتی کوپهیشیدن خواطر بیلدیرگن.
یوناما نینگ بیر توییت آرقهلی ایتیشیچه، جاری ییل 29 سنبله ده 4 فرقلی واقعهده عیاللر و بالهلر شامل کمیده 20 تینچ اهالی هلاک و باشقه 39 تینچ اهالی یرهلنگن.
یوناما، اوروش تامانلریدن تیزلیککه زوروانلیکلرنی کمهیتیریشلرینی سورهب و زوروانلیکلرنینگ دوام قیلیشی تینچلیک جریانیگه زیان ییتیشتیرهدی دیگن.
شونینگدیک، اروپا بیرلیگی نینگ زوروانلیکلر کوپهیشیدن خواطر بیلدیریب ایتیشیچه، اوتگن ییل گه نسبتن جاری ییلده تینچ اهالی تلفاتی کوپهیگن. اروپا بیرلیگی طالبان گروهی دن آتیشکیسین اعلان قیلیشینی سورهگن.
بوگون "دوشنبه" ایرتهدن چاغیده، افغانستان تینچلیک جریانی بوییچه آمریکا خاص نمایندهسی زلمی خلیلزاد بیر توییت آرقهلی، زوروانلیکلر کمهیتیریشینی ایستهگن ایدی.
