افغانستان شمالشرقیده گی رسمیلرنینگ ایتیشلریچه، طالبلر امیریکه نینگ حربی جهازلرینی روسیه گه ساتیب اورنیده قورال اسلحه آله دی.
قندوز ولایتی نینگ دشت ارچی تومنی اولوس والی نصیرالدین سعدی نینگ ایتیشیچه، اوتمیش اوچ آی مابینده اوروشلر جریانیده امنیتی کوچلر آلدیدن آلگن امیریکه نینگ ۳ ته هاموی تانک نی طالبلر تاجکستانگه اوتکزگنلر.
اونینگ ایتیشیچه، دشت ارچی تومنی تاجکستان بیلن بیش کیلومتر قوشمه چیگره سی بار و مذکور گروه امیرکه لیک تانکلرنی شو یولدن آلیب اوته دی.
دشت ارچی اولوس والی نینگ ایتیشیچه، طالبلر تانکلرنی اوتکزگن منطقه دن مسکو بیرگن اوروش جهازلرینی هم شو یولدن آلیب کیله دیلر.
بوتوغریده روسیه ایلچیلیگی نظرینی آلیشگه حرکت قیلدیک، بیراق بو ایشگه کوپلب تلاش قیلیب موفق بولمه دیک.
سونگی کونلرده طالبلرنی روسیه اوروش جهازلری بیلن تأمین قیلیب دستکلیدی دیگن خبرلرنشر بولگن ایدی.
نیچه پیت آلدین افغانستانده گی روسیه نینگ ایلچیسی الکساندرمنتیتسکی، روسیه اوز دیپلوماتلرینی جانی اوچون طالبلر بیلن علاقه آلگن، بیراق طالبلرگه قورال اسلحه یاردم قیلمیدی دیگن ایدی.
