.jpg)
پاکستان عاموی اخبارات واسطهلرینینگ گزارشیگه کوره، بو مملکتنینگ ایچکی ایشلر وزیرلیگی قولگه کیریتگن حجتلرده مذکور مملکتدهگی افغانستانلیکلر استقامت قیلهدیگن کمپدهگیلرنی داعش عسکرلیککه آلیش اوچون حرکت قیلهدی. مذکور مدیا هنوزگچه اونلب مهاجر داعش گروهیگه قوشیلیش اوچون افغانستان بارگنلردیگن.
پاکستان ایچکی ایشلر وزیرلیگی اوشبو حجتگه اساسلب، هنوزگچه 40 – 50 کیشی افغانستان فقراسی داعشگه قوشیلگن دیگن. ایتیلیشیچه، اولرگه هر آیده 30 دن 50 مینگ کلدار بیریلهدی.
شونینگدیک سابق افغانستانلیک و پاکستانلیک قوراللی طالبلرنینگ ایریم اعضالری مذکور حرکتلردن ایریلیب داعش گروهیگه قوشیلگنی معلوم قیلینگن ایدی.
اما، افغانستان حکومتی هر دایم پاکستاننی داعش و طالبلرنی حمایت قیلگنلیکده عیبلَب کیلگن. تحلیلچیلرگه کوره، افغانستانلیک مهاجرلرنینگ کمپی پاکستانلیک حربیلر نظارتیده و بو مملکت ایسه هر طریق بیلن افغان مهاجرلرینی سوء استعمال قیله آلهدی.
.jpg)
سیاسی تحلیلچی وحید مژده، منطقهده داعش پروسهسی عملی بولیش اوچون پاکستاننی ییریک نقشی بار دیگن. او، داعش کوچلهنیشی اوچون پاکستاننینگ سیاسی همده فکری مرکزلری فعالیت قیلیشیدن خبر بیرهدی. پاکستان دینی مدرسهلر نامینی سوء استعمال قیلیب، طالبلرنی کوچلنتیرگنی کبی منطقهده داعش کوچلهنیشی اوچون فعالیت کورستهدی.
داعش میلادی 2006- ییلده افراطی عقیدهلرگه اساسی عراقده شکللندی و 2013- ییل باشلریده مذکور مملکتده بعضی هجوملرنی عملگه آشیریش بیلن دنیا اعتبارینی اوزیگه جلب قیلدی. مذکور گروه اوتگن ییل جون آییده موصل شهرینی اوز اشغالیگه آلیش بیلن دنیا خبرلرینینگ باشیده اورین آلدی.
داعش گروهی بیر ییل جریانیده افغانستانده هم کوزگه کورینرلی درجهده رواجلندی. افغانستان حکومتینینگ ایریم بلند مرتبهلی رسمیلری داعشنینگ اصلی شاخهلری مملکتگه کیلمه گنلیگینی ایتیب، قوراللی طالبلرنینگ کوپچیلیگی طالبلرنینگ آق بیراغینی توشیریب قاره بیراغ تیکلش بیلن داعش نامی آستیده فعالیتگه باشله گننی اظهار قیلگنلر.
