.jpg)
بوگون «شنبه» بامیان ولایتینینگ اهالیسیدن یوزلرچهسی شمشیر قومندان آتیگه تانیلگن قومندان علیپور غور و بامیان پولیس کوچلرینینگ خاص قطعهسی تامانیدن قمراوگه آلینگنی گه قرشی ناراضیلیک بیلدیریب جادهلرگه چیققنلر.
اوشبو ناراضچیلر علیپور دن حمایت بیلدیریب قولگه آلینمهسینی سورهگنلر. اعتراضچیلرنینگ ایتیشیچه، بامیان و غور دولتی کوچلری، قومندان علیپورنینگ بوگون ایرتهلب ساعت 4 ده غور ولایتینینگ لعلوسرجنگل تومنیده قمراوگه آلگن و محل اهالیسی امنیتی کوچلر بیلن توقنشگن.
.jpg)
شونینگدیک، اعتراضچیلر بامیان ولایتینینگ پولیس قومندانلیگی دروازهسینی برابریده پولیس کوچلری بیلن توقنشگن، بیراق بو توقنهشووده کیمسه گه زیان ییتمهگن.
غور ولایتینینگ لعلوسرجنگل تومنیده مدنی فعال عزیزالله مهدینینگ سلاموطندارگه ایتیشیچه، امنیتی کوچلر و قومندان علیپورنینگ آرهسیده یوز بیرگن آتیشمهده عیاللر و بالهلر شامل 13 کیشی هلاک ایتیلگن.
غور حاکمینینگ سوزلاوچیسی عبدالحی خطیبینینگ ایتیشیچه، مذکور واقعهگه 7 تیینچاهالی و 4 پولیس هلاک ایتیلگن.
جناب خطیبی گه کوره، علیپور مسوولسیز قورالی قومندانلردن بیری دیر و غور- کابل قتناو یولیده قطار جرایملرگه قول اورگنی باعث قولگه آلینگن.
بو توغریده بامیان پولیس قومندانینینگ فکرینی آلیش اوچون سعی و حرکت قیلدیک، بیراق صحبت قیلیش تیار بولمهدی.
