سنامجلسی بیرینچی اورین باسری محمدعلم ایزدیارنینگ ایتیشیچه، جمهور رییس غنی ایرته (چهارشنبه) آسیا یورهگی مملکتلری ییغینی چیککهسیده پاکستان بلند مرتبهلی رسمیلری بیلن تینچلیک سوزلشوولری قیتهدن باشلهنیشی خصوصیده، سوزلهیدی.
جناب ایزدیارنینگ بوگون سنامجلسی ییغینیده ایتیشیچه، افغانستان حکومتی بو مرته دقت بیلن پاکستان ارا سوزلشوولرینی باشلهشی کیرهک.
اونگه کوره، افغانستان حکومتی ینه ملا عمر اولیمی دیک، پاکستان دامیگه توشمهسی لازم.
افغانستان تشقی ایشلر وزیرلیگینینگ بوندن آلدین معلوم قیلیشیچه، پاکستانده اوتکزیلهدیگن آسیا یورهگی مملکتلری ییغینیده، تینچلیک خصوصیده، هیچ قندهی سوز یوریتیلمهیدی.
باشقه تاماندن، سنامجلسی باشلیغی فضلهادی مسلمیارنینگ ایتیشیچه، بو ییغین دنیا بلند مرتبهلی رسمیلرینینگ حضوریده اوتکزیلهدی و حکومت رسمیلری، افغانستان ایشلریگه پاکستان ارهلشگنی توغریسیده حقیقی حجتلر بیلن اوشبو مملکتگه باریب و بو توغریده دنیا مملکتلرینی قانیقتیریشی لازم.
شونینگدیک، افغانستان جمهور رییسی محمداشرف غنینینگ، اوتگن کون اروپاده قیلگن سونگی سفری توغریسیده میدیالرگه ایتیشیچه، افغانستان حکومتی سونگی پیتلرده منطقه بویلب پاکستان برابریده بیللی سیاست قولگه آلگن و جدی قیینچیلیگی بولگن مملکتلر بیلن مذاکره اوتکزهدی.
