پکتیا ولایتینینگ زرمت تومنی یشاوچیلریدن بیرقطارینینگ ایتیشیچه، امنیتی کوچلرنینگ هوایی هجومیده بیر عایلهنینگ 10 اعضاسی هلاک ایتیلگن. آتلری فاش ایتیلیشینی ایستمهگن یشاوچیلرنینگ سلاموطندارگه ایتیشیچه، اوتگن کون مذکور اوی طالبلرنینگ سنگری گه اوزگرگن ایکن و بوگون ایرتهلب امنیتی کوچلر تامانیدن نشان گه آلینگن.
اوشبو واقعهده هلاک ایتیلگنلرگه ایکی عیال، ایکی باله و شونینگدیک، ایکی اوقووچی شامل بولگن. شونینگدیک، امنیتی کوچلر و طالبلرنینگ آرهسیده یوز بیرگن آتیشمهده باشقه 10 تینچ اهالی جان بیرگن و بوگون ایرتهلب مذکور یشاوچیلرنینگ جنازه مراسمی زرمت تومنیده اوتکزیلگن.
پکتیا ولایتینینگ محلی رسمیلری، یوز بیرگن واقعه توغریسیده هیچ نرسه دیمهیدی. زرمت تومنینینگ ولسوالی حکیم وزیری، تلفات رقمی توغریسیده هیچ نرسه دیمهیدی، بیراق هوایی هجومده و اوتگن کیچه و کیچ قورون آتیشمهلری نتیجهسیده، تینچ اهالی گه قربانلیک ییتیشگنینی تَن آلهدی.
طالبان گروهی حاضرگچه بو واقعه توغریسیده میدیاگه هیچ نرسه دیمهگن.
