ننگرهارنینگ کوت تومنی یشاوچیلرینینگ ایتیشیچه، اوتگن کون کیچ قورون اوشبو تومنده داعش جنگریلری کمیده 60 اوینی اوتگه یاندیرگن.
کوت تومنی قوم بویوکلریدن بیری امیرجاننینگ ایتیشیچه، مذکور اویلرنینگ یشاوچیلری ایلگریدن منطقهنی ترک ایتگن ایکنلر. اونگه کوره، احتمال باریچه داعش جنگریلری منطقهده قالگن نیچه کیشی نی اوزلری بیلن آلیب کیتگن.
امیرجاننینگ کوپهیتیریشیچه، تازهلش عملیاتلر یکونلنگنیدن کیین، هوا ساووقلیگی باعث، مذکور منطقهلرده پوسته قوریلمهگن و انه شو سبب داعش گروهی قیتهدن فعالیتگه باشلهگن.
اوشبو بیاناتلرنی قبول قیلگن ننگرهار حاکمی سوزلاوچیسی عطاالله خوگیانینینگ ایتیشیچه، اوتگه تارتیلگن اویلر متروکه منطقهسیده جایلشگن و یشاوچیلری نیچه وقت آلدین منطقهنی ترک قیلگنلر.
جناب خوگیانینینگ ایتیشیچه، اوشبو ولایتدن داعش گروهی یوقالیشی خصوصیده حکومت ایریم برنامهلرنی قولگه آلگن و تیزلیکده بو لایحهلر عملگه آشیریلیشی ممکن.
داعش گروهی اوتگه یاندیریلگن اویلر توغریسیده حاضرگچه هیچ نرسه دیمهگن.
