طالبان گروهی بیر اعلامیه آرقهلی، اوتگن "سهشنبه" کونی کابل و ننگرهار ده یوز بیرگن هجوملرگه قوللری بولگنینی رد قیلیب و مذکور هجوملر تیکشیریلیشینی ایستهگن.
بوگون "جمعه" اوشبو گروه سوزلاوچیلریدن بیری ذبیحالله مجاهد نینگ بیر اعلامیه آرقهلی ایتیشیچه، ساغلیک مرکزلر، جنازه مراسملری و عامهوی تاسیساتلرگه هجوم قیلیش بو گروه پالیسیگه یوق دیر.
طالبان گروهی تامانیدن نشر قیلینگن اعلامیهده ایتیلیشیچه: « بیز دشتبرچی ده بولگن کسلخانه و ننگرهار ده جنازه مراسمیده یوز بیرگن هجوملرنی جدی، طرفسیز و تینیق شکلده تیکشیریلیشینی ایستهیمیز، اوشبو جنایتلرنینگ عامللری بیللی ایتیلیشی کیرهک.»
اعلامیهده ایتیلیشیچه، افغانستان حکومتی اوشبو هجوملردن ابزاری شکلده اوز منفعتیگه فایدهلنهدی.
شونینگدیک، افغانستان تینچلیک لایحهسی بوییچه آمریکا خاص نمایندهسی زلمی خلیلزاد، اوتگن "سهشنبه" کونی کابل و ننگرهار ده یوز بیرگن هجوملرده داعش نینگ خراسان بولیمینی مسوول عنوان قیلگن. اونینگ ایتیشیچه، آمریکا تیکشیریشلریگه کوره، مذکور هجوملر داعش گروهی تامانیدن اویوشتیریلگن.
خلیلزاد نینگ کوپهیتیریشیچه، داعش گروهی امریکا و طالبان آرهسیده امضا ایتیلگن شرطنامهگه قرشی دیر و افغانستانده فرقهیی اوروشنی رواجلنتیریش اوچون سعی و حرکت قیلهدی.
افغانستان تینچلیک لایحهسی بوییچه آمریکا خاص نمایندهسی، افغانستان دولتیدن داعش گروهی تینچلیک سوزلشوولرنی اوز مسیریدن چیقاریشی اوچون رخصت بیرمهیشینی سورهگن.
اوتگن "سهشنبه" کونی کابل غربیده بولگن 100 یاتاقلیک کسلخانه و ننگرهار ده بیر جنازه مراسمیده اویوشتیریلگن هجوم عاقبتیده، کمیده 50 کیشی هلاک و باشقه 80 کیشی یرهلنگن ایدی.
مذکور هجوملردن سونگ، طالبان گروهی بیر اعلامیه آرقهلی، کابل و ننگرهار ده یوز بیرگن واقعهلرگه قوللری بولگنینی رد قیلیب و داعش گروهینی بو هجوملرده مسوول عنوان قیلگن.
