افغانستان عیاللریدن بیرینچی طیاره اوچیروچی نیلوفر رحمانی، «وال استریت ژورنال» کوندهلیگی بیلن اوتکزگن صحبتیده بیلدیریشیچه، طالبلر و قرینداشلری تامانیدن اولدیریشگه تهدید بولگن.
خانم رحمانینینگ ایتیشیچه، میلادی 2013- ییلدن بویان میدیا آرقهلی تانیقلی عیال بولگنی باعث تهدیدلی قونغیراقلر و پیاملر قولگه کیریتهدی. رحمانیگه کوره، تهدید قیلهدیگنلر آچیق پیامی بار« یا طیاره اوچیریشدن چیکین یا اولهسن» دیگنلر.
بو طیاره اوچیرووچی عیالنینگ اورغولهشیچه، میلادی 2013- ییل 3- اگستده، پاکستان سوات طالبلر تامانیدن مهرلنگن پیام قولگه کیریتکن، پیامده: « اسلام؛ امیریکهلیکلر و بریتانیالیکلر بیلن عیالنی ایشلشگه رخصت بیرمهیدی. ایشینگنی دوام بیرگن صورتده، اوزینگ و عایلهنگ ویرانلیگیگه مسؤول بولهسن» دیب یازیلگن ایکن. اونگه کوره، اوشبو نامه اداغیگه، ملالی یوسفزی تقدیریدن عبرت آلیب، طیاره اوچیریشدن قول تارتیشینگ لازم دییلگن ایکن.
شونینگدیک بانو رحمانیگه کوره، بو تهدیدلردن کیین، انچه پیت عایلهسی هندوستان بارگن.
بیرینچی افغانستانلیک طیاره اوچیروچی عیال نینگ ایتیشیچه، او قرینداشلریدن هم کورقهدی. هردایم اونی تهدید قیلیب تورهدیلر.
نیلوفرنینگ ایتیشیچه، بیرقطار قرینداشلری، جملهدن ابهسی و عمهکیسی، ایرککلر محیطیگه ایشله گنی باعث جزالهنیشگه چلینهدی.
نیلوفرنینگ آتهسی مهندس وکیل، طیاره اوچیریش آرزوسیده ایدی، بیراق بونگه ایریشه آلمهدی، فرزندلریدن بیری بو آرزوسینی عملگه آشیریشگه موفق بولگنیدن جوده هم خرسند ایدی، بیراق طالبلر تهدیدی کونسهیین کوپیگنی و همکارلرینینگ کنایهلری باعث، او ایشیدن چیکینیب، عایلهسی و قیزیگه دقت قیلهدی.
خانم رحمانینینگ ایتیشیچه، اگر بیلسه ایدیم کیلهجکده ایشیم عایلهم و اوزیمگه خطرلی بولردی، هیچ قچان طیاره اوچیروچی بولمهی و عایلمنی تهدید بیلن روپهره قیلمس ایدیم. اونینگ کوپهیتیریشیچه، عایلهسی اوندن حمایت قیلمهگن صورتده، حاضرگچه اولگن ایدی.
بیراق افغانستان هوایی کوچلر سوزلاوچیسی جنرال بهادر خان نینگ وال استریت ژورنالگه ایتیشیچه، نیلوفر، تهدید بولگن بیرینچی طیاره اوچیروچی شخص ایمس. بلکیم اونگه کوره، دشمنلر عیال و ایرککلرگه فرق قایل بولمهیدی و هوایی کوچلر طیاره اوچیروچیلری نینگ کوپیسی تهدیدگه روپهره بولگن.
هوایی کوچلر سوزلاوچیسی، خانم رحمانیدن تهدیدلرگه قرهمی، ایشیگه دوام بیریشینی سورهیدی.
عین حالده، افغانستان هوایی کوچلر ادارهسیدهگی اوچ طیاره اوچیروچی عیالدن باشقه بیرینینگ وال استریت ژورنالگه ایتیشیچه، حربی کوچلر، اینیقسه هوایی کوچلرگه خذمت قیلیشنی ایستهیدی، بیراق بوندهی شرایط بیلن ایشینی دوام بیره آلمهیدی.
نیلوفر رحمانی حاضر افغانستان هوایی کوچلر طیاره اوچیروچیسی دیر. طیاره اوچیریش تعلیماتینی امیریکهده آلگن و حاضرگه قدر مملکت هوایی کوچلری نیچه عملیاتیده اشتراک ایتکن.
