بوگون «سهشنبه» توشده قندهار شهرینینگ تورتینچی امنیتی حوزهسی پارتلاوچی ماده دن توله بولگن موتر پارتلهشی گه گواه بولدی.
اوشبو ولایتنینگ حوزهیی کسلخانهسی داکترلریدن بیری آتی فاش ایتیلیشینی ایستمهی سلاموطندارگه ایتیشیچه، یوز بیرگن واقعهدن حاضرگچه 2 جسد و 23 یرهدار بو کسلخانهگه انتقال بیریلگن. اونینگ ایتیشیچه، قربانلیک رقمی کوپهییشی ممکن.
مذکور داکترگه کوره، واقعه قربانلریدن کوپینچهسی تینچ اهالی دیر.
عین حالده، یوز بیرگن واقعهنی تصدیقلگن قندهار حاکمی سوزلاوچیسی داوود احمدینینگ ایتیشیچه، اوشبو پارتلش ملی خوفسیزلیک تخنیکی تیمی آرقهلی پارتلاوچی ماده جایلشتیریلگن موتر خنثی قیلینیش عملیاتی نتیجهسیده یوز بیرگن. اونگه کوره، پارتلاوچی ماده جایلشتیریلگن موتر هییت کونلریده قندهارنینگ گاوجوم ییرلریدن بیریده پارتلهتیلیشی توغریسیده قرار قیلینگن ایکن.
اوشبو واقعه مسؤولیتینی حاضرگچه هیچ بیر گروه بوینیگه آلمهگن.
