فیفا یا افغانستان ایرکین و عادلانه سیلاولر بنیادیگه کوره، سیلاولر تیزیمیگه اصلاحات کیریتیش کمیسیون مجموعی تکلیفی ناقص و قیته تیکشیریلیشی کیرهک.
بوگون (یکشنبه) فیفا اجرایه رییسی محمدیوسف رشیدنینگ کابلده بیر خبری اولتیریشده ایتیشیچه، شفافیت کمیته تشکیل ایتیلیشی، سیلاولر حوزهسینی تقسیم بندلیک قیلیش، کاتبلیکنینگ صلاحیتلری تعریف بولمهگنی ولایتی ملازملرنی ایشگه آلیش اوچون معیین معیار یوقلیگی و قانونده سیلاولر جریانی تعریف بولمهگن موردلر جدی شکلده قیته تیکشیریلیشی اوچون احتیاج بار.
جناب رشید، سیلاولر تیزیمیگه اصلاحات کیریتیش کمیسیون اعضالری ایشلریگه شاشگنلیکلری بارهسیده تاکیدلهگن؛ بنابرین مذکور مجموعهلر کیلهجیک سیلاولر اوچون اصلاحات کیلتیریش اورنیده معما توغدیریشی ممکن دیگن.
اونینگ ایتیشیچه، مذکور ناقص مجموعی تکلیفلر کیلگوسی سیلاولرده افغانستان سیلاولر ادارهلری اهالینی قیینچیلیکلرگه روپه ره قیلمسدن آلدین، سیلاولر تیزیمیگه اصلاحات کیریتیش کمیسیون موجود فرصتگه کوره اوشبو تکلیفلرنی قیتهدن کوریب اصلاح قیلشلری شرط.
اما سیلاولر تیزیمیگه اصلاحات کیرتیش کمیسیون رییسی شاهسلطان عاکفی کمیسیون ایشی بارهسیدهگی هر قندهی قضاوت هلی ایرته دیگن.
شونینگدیک جناب عاکفی سیلاولرگه اصلاحات کیرتیش کمیسیونینینگ ایشی هنوز اوز پایانیگه ییتمهگن دیگن. کیلگوسی باسقیچلر برچه موردلر ایضاحلهنیب یاروتیلیشی ایتیلهدی.
سیلاولر کمیسیونیگه اصلاحات کیریتیش کمیسیونی بوندن ایکی هفته آلدین مجموعی تکلیفینی حکومتگه تقدیم قیلدی.
جمهور رییس مذکور کمیسیوننینگ 11 بیر تکلیفیدن ییتی موردنی تصدیقلب، بیر موردنی رد قیلیب شونینگدیک اوچ مورد اوستیده کمیسیون قیتهدن ایش قیلیشی توغریسیده بویروغ بیرگن ایدی.
