.jpg)
اوزگریش اوچون قوزغلان حرکتی، (10- جوزا) کابل ده یوز بیرگن قانلی پارتلش و اعتراضچی لرنینگ برابریده پولیس کوچلری تامانیدن اوق اوزیلگنی دن سونگ تشکیل ایتیلدی.
حکومت حربی کوچلر بیلن تحصن خیمهنی ییغدی، بیراق اعتراضچیلر دادخواهلیکلری دوامی اوستیگه تأکید قیلهدیلر.
دوشنبهدن سهشنبهگه اوتر کیچه امنیتی کوچلر اوزگریش اوچون قوزغلان حرکت اعتراضچیلرینینگ تحصن خیمهلری اوستیگه هجوم قیلگنلر.
سهشنبه کون کابلده خبری ییغین اوتکزگن اوزگریش اوچون قوزغلان حرکت اعضالرینینگ ایتیشیچه، حکومت تامانیدن اویوشتیریلگن هجوم نتیجهسیده، مذکور حرکتنینگ 2 اعضاسی هلاک، 27 تهسی یرهدار و باشقه 11 اعضاسی قولگه آلینگن.
اولر، امنیتی ادارهلردن اوشبو حرکتنینگ قولگه آلینگن اعضالرینی تیزلیکده قوییب یوباریشینی سورهیدیلر.
اوزگریش اوچون قوزغلان حرکت اعضالری، بیر اعلامیه صادر قیلیب و اوتگن کیچه ملی بیر حکومت تامانیدن بولگن حرکتنی انسانیتگه قرشی جنایت، قانون و بشریتگه قرشی دیب و دادخواهلیکلری دوامی اوستیگه تأکید قیلگنلر.
مذکور حرکت اعضاسی عمراحمد پروانی تامانیدن اوقیشگه آلینگن اوزگریش اوچون قوزغلان حرکتنینگ اعلامیهسینی بیر قسمیده کیلیشیچه، اوزگریش اوچون قوزغلان حرکت اعتراضچیلرینینگ مرکزی تحصن خیمهسی «دوشنبه کیچه» حکومت تامانیدن هجوم آستیگه آلینگن.
قوزغلان حرکتنینگ اعضالریدن باشقه بیری کلیمالله همسخننینگ ایتیشیچه، حکومت آغیر و یینگیل قورال و هاموی تانگی بیلن اعتراضچیلرنینگ خیمهسینی اوستیگه هجوم قیلگن.
جناب همسخنگه کوره، حکومت بار کوچی بیلن اعتراضچیلرنینگ اوستیگه هجوم قیلیب و اعتراضچیلرنی شفقتسیز شکلده هدف قرار بیرگن.
عین حالده، ملی بیرلیک حکومت اجراییه باشلیغی عبدالله عبدالله، امنیتی کوچلردن یشاوچیلرنینگ برابریده ناقانونی حرکت قیلمسلرینی طلب قیلدی.
جناب عبداللهنینگ ایتیشیچه، اوتگن کیچه یوز بیرگن واقعه حکومت تامانیدن جدی شکلده تیکشیریلهدی.
حکومتنینگ بو حرکتی اجتماعی ترماقلر اینیقسه فیسبوک ایشلاوچلرینینگ جدی عکسالعمللریگه روپهره بولدی.
اوزگریش اوچون قوزغلان حرکت اعتراضچیلری، ایکینچی مرته کیم حکومت تامانیدن نشانگه آلینهدی.
امنیتی کوچلر بوندن آلدین هم 12- جوزا ده، مذکور حرکتنینگ اعتراضچیلریگه قرشی اوق اوزیشگن و بو اوق اوزیش نتیجهسیده 6 کیشی هلاک و باشقه 10 دن آرتیق کیشی یرهلنگن ایدی.
