.jpg)
هندوستاننینگ افغانستاندهگی ایلچیسی امر سینها، بلخ لایتینینگ مزارشریف شهریده هند وکالتخانهسیده اویوشتیریلگن هجوم افغانستان و هندوستان قوشمه دشمنی تامانیدن صادر ایتیلگن دیب، ایکی مملکت هم اوز دشمنینی تانیدی دیگن.
قطار هجومچیلر یکشنبهدن دوشنبهگه اوتر کیچهسی (13جدی) بلخ ولایتینینگ مزارشریف شهریده هند وکالتخانهسیگه هجوم قیلگن ایدی. بو هجوم چمهسی 24 ساعت ملی کوچلر بیلن هجومچیلر اورتهسیده دوام ایتدی
هجوم عاقبتیده ملی پولیسنینگ بیر حربیسی قربان بولیب، اوچ تینچ اهالی شامل توقیز حربی تن جراحتی آلگن.
شمالی بلخ ولایتیگه سفر قیلگن هند ایلچیسی، افغان ملی کوچلرینینگ بو توغریده آلیب بارگن سعی وحرکتلرینی آلیقیشلهگن. جناب سینهاگه کوره، هندوستانلیک دیپلوماتلرگه هیچ زیان ییتمهگن. سینها، دیپلوماتلر اوز ایشلریگه دوام بیریشی بارهسیده تاکیدلهگن.
.jpg)
جناب سینها، بو قبل هجوملر رسمی کابل – ینگی دهلی اورتهسیده هیچ قندهی سلبی تاثیر قالدیرمیدی دیگن.
شونینگدیک او، هندوستان حادثهده یرهلنگنلر درمانلهنیش اوچون همکارلیک قیلیشدن سوز بیرگن. بلخ ولایتینینگ خوفسیزلیک آمری رزاق قادری، هجوم اوزاق وقت دوام تارتگنلیگینینگ بیرینچی سببی توقنشوو تنیچ اهالی استقامت قیلهدیگن منطقهده روی بیریشی باعث دیگن. او، تینچ اهالیگه زیان ییتمسلیگی اوچون جدی احتیاطدن ایش آلینگن دیگن.
شوکبی بلخ خوفسیزیلیک آمری، ترورچیلیک هجوملر صادر ایتیلیشی اوچون محلی حکومت ایریم رسمیلرینینگ قولی بارلیگینی ادعا قیلگن. واقعه مسوولیتینی هنوزگچه هیچ کیم اوز ذمه سیگه آلمهگن.
