ارزگان ولایت رسمیلرینینگ بیلدیریشیچه، امنیتی کوچلر ولایت گیزاب تومنیده پاکلش عملیات اوتکزگن ایکن.
گزارشلر اساسیده، حاضرگه قدر مذکور تومن 10 قیشلاقی جنگری طالبلر بارلیگیدن تازهلنگن.
ارزگان ولایت سرپرستینینگ سوزلاوچیسی دوستمحمد نایابنینگ سلاموطندارگه ایتیشیچه، مذکور عملیات شنبه کیچهسی باشلهنیب، یکشنبه کیچهسی ساعت 10 لرگه قدر دوام تاپگن ایکن.
جناب نایابگه کوره، اویویشتیریلگن عملیاتلرعاقبتیده جنگریلردن 6 تهسی هلاک و کوپلب اوق و قورال قوشیمچه نقلیه وسایط هم امنیتی کوچلر قولیگه کیریتیلگن.
ولایت سوزلاوچیسی نینگ اورین باسری مذکور عملیاتلرده امنیتی کوچلردن 3 کیشی یره کوترگنلیگینی تیلگه آلگن.
حاضرگه قدر طالبلر بوتوغریده بیرنرسه دیمهگن، اما بوگروه ولایت خاص ارزگان تومنیده یول اوستیگه اورنه تیلگن ماین پارتلهنیشی بیلن امنیتی کوچلردن 4 کیشی هلاک بولگن و بیر رنجر موترلری هم کوپلب اوق اسلحه بیلن قولگه کیریتگنمیز دیب ادعا قیلگنلر.
اما مذکور تومن باشلیغی عبدالکریم کریمی بومطلبنی تأیید قیلیب ایتیشیچه، ماین پارتلهنیشی بیلن محلی پولیس کوچلریدن بیرکیشی یرهلنگن.
گزارشلرگه کوره، طالبلر ارزگان تومنینی ایریم محلهسیده ماین اورتنگنلر و امنیتی کوچلر ایسه اوق اسلحه لرینی محلدن آلیب اوتیشگه کوپلب قیینچیلیکلر بیلن روپهره بولگن.
ارزگان اولکه جنوبیده جایلشگن ناتینچ ولایتلردن بولیب، ایریم منطقهسیده طالبلرنینگ یوکسک فعالیتی بار. امنیتی کوچلر ارزگان ولایتی قوشیمچه فاریاب، غور، هلمند، هرات، بدخشان و فراه ولایتلریده هم طالبلر هجومی بیلن روپهره بولگن.
