.jpg)
طالبان رهبری هبتالله آخندزاده نینگ رمضان هییتی مناسبتی بیلن بیر پیام آرقهلی ایتیشیچه، حاضرگی سوزلشوولرده آمریکالیکلرنی سبب و توشونیش اختیار قیلیب صادقانه عمل قیلیشی کیرهک.
مذکور پیامگه کوره، «طالبان گروهی اوز مقصدیگه قول تاپمهگن صورتده، 40 ییللیک قربانلیکلرنی ایسدن چیقارمهیدی.»
طالبان رهبری نینگ ایتیشیچه، حاضرده اوشبو گروه سیاسی دفتری آرقهلی، آمریکا بیلن سوزلشوولر دوام ایتماقده و او بو سوزلشوولر ایجابی نتیجه بیریشیدن امیدوارلیک بیلدیرهدی.
آخندزاده نینگ پیام آرقهلی کوپهیتیریشیچه، آمریکالیکلر بیلن بولگن سوزلشوولر چکهسیده، افغانستانلیکلر آرهسیده بولگن سوزلشوولرهم قطار یوتوقلرگه قول تاپگن.
اوشبو پیامده طالبان گروهی نینگ رهبری، چیتایللیک کوچلرنی «اشغالگر» عنوان قیلیب و اوشبو کوچلر شکست بیلن روپهره بولیشگه محکوم دیگن.
پیامده کوپهیتیریلیشیچه، «اسلامی امارت اصولی جایگاهی و تینچ حرکتی بیلن قوشنی و منطقه مملکتلرینینگ کیلیشوونی اوز منفعتیگه جلب ایتگن.»
طالبان رهبری نینگ ایتیشیچه، کابل ادارهسی اوزنی مطرح قیلیش بیلن، اسلامی امارت و افغانستانلیک سیاستچیلرنینگ کیلیشوویگه توسیق بولیش اوچون سعی و حرکت قیلهدی، بیراق اسلامی امارت بو سعی و حرکتلرگه اعتبار بیرمهیدی.» اونینگ ایتیشیچه، اسلامی امارت قدرت نینگ انحصار ایتیلیشینی ایستمهیدی، «بیز بوتون افغانستانلیکلرنی اوز جایگاهلریگه قول تاپیشینی ایستهیمز.»
اوشبو پیامده تاکید ایتیلیشیچه، « اسلامی امارت بوتون دنیا اینقسه قوشنی مملکتلر بیلن ایجابی رابطهگه ایشانهدی و یخشی قوشنیلیک اوچون قوشنیلر بیلن تعهدلی دیر.»
مسکو تینچلیک ییغینی نینگ 2- دوری نیچه کون آلدین یولگه قوییلدی و اوشبو ییغینده مملکت سیاسی چهرهلری و طالبان نمایندهلری جملهدن ملاعبدالغنی برادر اشتراک قیلگن، بیراق بو ییغین نتیجهسی شکلده یکونلنگن دیر.
