بادغیس ولایتی کینگشی اعضالری، مجلس نمایندهلری و یشاوچیلردن بیرقطارینینگ ایتیشیچه، مذکور ولایتده 460 مکتب جملهسیدن یریمینی دروازهسی امنیتی تهدیدلر باعث، یاپیق قالگن.
مجلس اعضاسی قاضی عبدالرحیم رهیننینگ ایتیشیچه، بالامرغاب، مقر، جوند و غورماچ تومنلریده طالبلر حضوری کینگ بولگنی باعث، هیچ بیر مکتب فعالیت قیلمهیدی و مکتبلرنی آتی یالغیز کاغذ یوزیگه رویخطگه آلینگن. جناب رهیننینگ کوپهیتیریشیچه، اوشبو مکتبلر حکومت دقت سیزلیگی باعث، اوقووچیلر یوزیگه یاپیلگن.
ایتیلیشیچه، طالبلر مذکور تورت تومنده کینگ شکلده فعالیت قیلهدی.
بادغیس ولایتی کینگشی باشلیغی حاجی محمد ناصر نظری، مذکور ولایتده معارف وضعیتینی خواطرلی بیلیب ایتیشیچه، بالامرغاب، مقر، جوند و غورماچ تومنلریگه قوشیمچه آبکمری تومنیده کوپینچه مکتب دروازهسی طالبان گروهینینگ اجتماعی و حربی فعالیتلری باعث، یاپیلگن.
طالبلرنینگ تهدیدیگه قوشیمچه، مسلکی اوقوتووچی بولمهگنی و اوقوتووچیلرنینگ امتیازی کملیگی، بادغیس معارفی برابریده باشقه قیینچیلیکلردن سنلهدی.
بیراق، بادغیس والیسی اورین باسری فیض محمد میرزاد، مکتبلر خصوصیده ولایتی کینگش و مجلس نمایندهلرینینگ، ادعالرینی شخصی فکرلری بیلیب ایتیشیچه، حاضرگچه بو موضوع توغریسیده امنیتی و کشفی ادارهلر تامانیدن رسمی رقم ترقهتیلمهگن.
بادغیس ولایتی مملکت غربی حوزهسیده ناتینچ ولایتلردن بیری سنلهدی؛ نیچه آی طالبلر مذکور ولایتنی بالامرغاب تومنی اوستیگه هجوم اویوشتیریب و اوشبو تومننی ایکی کون نظارتگه آلگن ایدی.
