خلق ارا انسان حقلری «The Human Rights Watch» نینگ ایتیشیچه، اسلامی حزب قومندانی سرور زرداد فریادی نینگ قیتیشی بیلن اونینگ جنایتلریگه شاهد بولگنلرجانی خطر بیلن روپهره. اوشبو تشکیلات خبرنامه ترقهتیشی بیلن افغانستان و بریتانیا حکومتیدن اهالی جانینی قوریش اوچون برنامهلرنی نظرده توتیشلرینی ایستهگن.
خلق ارا انسان حقلری تشکیلات باشلیغی پیتریشیا گروسمن نینگ ایتیشیچه، بریتانیاده زردادنی محکمه بولیشی جرم قیلگن کیشی دنیانینگ هیچ بیرنقطهسیده راحت قالمسلیگینی کورستهدی. او افغانستان حکومتیدن زردادنینگ فعالیتلرینی نظر آستیده آلیشینی ایستهیدی.
90- دهه باشلریده کابل-جلالآباد تجارتی شاه یولی زردادنینگ ادارهسی ده ایدی. او کابلدن 37 کیلومتر فاصلهلی سروبی منطقهسیده پوسته قوریب، شاه یولدن اوتیب قیته دیگنلرنی توختهتیب، باریاغلرینی آلردی. او میلادی 2001 ده لندن کیتدی. ایتیلیشیچه، زرداد بریتانیانینگ بیرمنطقه سیده مستعار اسم بیلن یشه ماقده ایدی، اما میلادی 2003- ییلده اسمی فاش ایتیلیشی بیلن محکمه بولدی و 11 ییلنی تورمهده اوتکزیشدن سونگ اوتگن هفته چهارشنبه کونی افغانستان حکومتیگه تاپشیریلدی.
