.jpg)
کونی کیچه سی ساعت 2 ده فاریاب ولایتینینگ کوهستان تومنی و امنیه قومندانلیگی ساختمانی بوتونلهی طالبلر نظارتیده اوتگن.
فاریاب پولیس سوزلاوچیسی عبدالکریم یوروشنینگ سلاموطندارگه ایتیشیچه، طالبلرنینگ هجومی کیچه ساعت 11 ده باشلهنیب و اوچ ساعت ایچیده تومن بازاری اوشبو گروه نظارتیده اوتگن.
اونگه کوره، شو حاضر 30 کوماندو قوشیمچه امنیتی کوچلردن 200 کیشی مذکور تومن خیرآباد منطقهسیده طالبلر قملیگه قالگن. طالبلر مخابراتی شرکتلر پایهلرینی اورگن و مذکور کوچلر بیلن علاقهلری کیسیلیب قالگنلیگینی تیلگه آلهدی یوروش.
کوهستان یشاوچیلرینینگ ایتیشیچه، مذکور تومن امنیتی کوچلری 7 پوسته قورال اسلحهسی بیلن طالبلرگه اوزلرینی تسلیم بیرمهگنی دلیل شوحاضر قملگه قالگنلر. یشاوچیلرگه کوره، منطقهده ینگی کوچ بارمهگن تقدیرده، «انسانی فاجعه روی بیریشی ممکن.»
.jpg)
طالبلر کوهستان تومنینینگ اولوسواللیک ساختمانی بیر قیسمینی اوتده یاندیرگن و شو حاضر هم امنیتی کوچلر و طالبلر اورتهسیده اوروش دوامی بار.
طالبلرنینگ سوزلاوچیسی قاری یوسف احمدینینگ سلاموطندارگه مذکور تومننی بوتونلهی تصرف قیلگنلیکلرینی تأیید قیلهدی. اونگه کوره، شوحاضر تومنده بیر پوسته امنیتی کوچلر قولیده قالگن و اونی هم آلیش اوچون تلاش قیلهدیلر.
فاریاب پولیس سوزلاوچیسی، اوروشلر نتیجهسیده حاضرگه قدر امنیتی کوچلردن ایکی کیشی جان بیرگن و ابشقه 4 کیشی یرهلنگن دیگن.
کوهستان تومنی فاریاب مرکزی میمنه شهریدن 120 کیلومتر اوزاغلیکده توشگن که بیرییلدن بویان مذکور تومن مواصلاتی یولی میمنه شهری بیلن طالبلر تامانیدن یاپیلگن ایدی.
