نفت مادهلر ادارهسینینگ رییسی فریدالله شیرزینینگ ایتیشیچه، مرکزی آسیا اوچون جمهور رییسنینگ مخصوص نمایندهسی شاکر کارگر آزربایجانگه قیلگن سفریده او مملکت دن 150مینگ تُن گاز ساتیب آلیش اوچون شرطنامه امضالهگن.
جناب شیرزی، اوشبو یاقیلغی مادهدن هنوزگچه اوچ مینگ تُنی هرات شهریگه کیلتیریلگن و مذکور ولایتده بیر کیلو گاز نرخیگه سکیز افغانی تفاوت کیلگن دیگن. شیرزی تیزلیکده کابلده گاز نرخی توشیشی ممکن دیگن.
او، حاضر خصوصی بولیم 50 مینگ تُن صناعت و تجارت وزیرلیگی ایسه 18 مینگ تُن گاز ذخیرهلری بولگنینی ایتگن. نفتی مادهلر ادارهسی نینگ باشلیغی شیرزی، تجارت وزیرلیگی ییترلی درجهده گاز ذخیره قیلگن و سونگی کونلرده گاز نرخی نینگ کوتاریلگنی اوچون بیرینچی دلیل ایسه قیش کیریب کیلگنی دیر.
دالر برابریده افغانی پول بهاسی کمیگن
افغانستان مرکزی بانک رییسی خلیل صدیقنینگ بوگون (سهشنبه) تجارت وزیرلیگینینگ بلند مرتبهلی رسمیسی بیلن دالر مقابلیده افغانی پول نرخی توشگنی توغریسیده ملی مجلسگه جواب بیریش اوچون چقیریلگنده ایتیشیچه، دالر بهاسی دنیا بویلب کوتاریلگن.
جناب صدیقی نابرقرارلیک، ایچکی مصحولات ایشلب چیقاریش کمهیشی، مملکت اقتصاد ترقیاتی قویی کیلیشی افغانی پول نی دالر مقابلیده ارزشی کمهیگنی اوچون باشقه بیر دلیل دیگن. صدیقگه کوره، افغان پولی باشقه پوللرگه قرهگنده هنوز هم اوز بهاسینی سقلب قالگن.
ییغین سونگیده سوزلهگن سنا مجلسینینگ باشلیغی فضل هادی مسلمیارنینگ ایتیشیچه، دولت بلند مرتبهلی رسمیلرینینگ بو توغریدهگی جوابلری قانیرلی بولمی مجلس نینگ کیلگوسی ییغینلریده هم چقیریلیشلری ممکن.
هرات صناعت و تجارت اتاغینینگ رسمیلری و ولایتنینگ صرافلری بیرلشمهسی مسوولری خبر بیر ییغینده ایتیشلریچه، افغانی پول دالر مقابلیده اوز ارزشینی قولدن بیرگنی اوچون بازارده آزیق آوقت نرخی هم کوزگه کورینرلی درجهده آشگن دیگنلر.
صناعت و تجارت اتاغینینگ اورین باسری صلاحالدین سحرنینگ بیلدیریشیچه، افغانستان و پاکستان اورتهسیدهگی «اپتا» شرطنامهسینینگ زمانی اوز پایانیگه ییتگن. او، مذکور شرطنامه افغانستانلیک سوداگرلر اوچون ییریک قیینچلیک یرهتگن حکومت بو توغریده جدی اعتبار قرهتیشی اوچون تاکیدلهگن.
هر ییل قیش کیریب کیلیشی بیلن ییگولیک آزیق آوقت، یاقیلغی و یانیلغی مادهلر نرخی کوتاریلهدی، لیکن ایتیلیشیچه، حکومت هنوزگچه بو معما حل ایتیلیشی اوچون لازم تدبیر آلمهگن.
