آسیا فوتبال کنفدراسیون ینگی درجه بندلیک لایحهسیگه کوره، افغانستان یخشی فدراسیونلر اورتهسیده بیر درجه قویی کیلدی. اوشبو درجه بندلیک اساسیده، افغانستان فوتبالی 29- درجهدن 30- درجهگه توشدی.
آسیالیک فوتبال کنفدراسیون ییلده آسیا مملکتلر فوتبال فدراسیونینینگ جدی صورتده تیکشیریب، درجه بندلیگینی نشر ایتهدی.
مذکور کنفدراسیونینینگ درجه بندلیگیده 70 فایز ایچکی باشگاهلر و 30 فایز خلق ارا اویینچیلرینینگ اویینی کوزگه توتیلهدی. افغانستانده ایچکی باشگاهلر آسیا بیلشوولریده اشتراک ایتمهیدی و بو اساسیده، مملکت فوتبالینینگ بیر درجه قویی کیلگنی ملی تیرمه جماعه ایشلری دیر.
بو درجه بندلیککه جنوبی کوریا بیرینچی درجهنی قولگه کیریتکن.
اوشبو لایحهگه اساس، سعودی عربستان، ایران، جاپان و عربی امارات، توزوم اساسیده ایکینچی، اوچینچی، تورتینچی و بیشینچی درجه گه ایریشگنلر.
دیمک، اوتکن ییل ایکی ایچکی باشگاه آسیا بیلشوولریده یول تاپگن ایدی، بیراق نامعلوم دلیللر باعث، بو باشگاهلر آسیا بیلشوولریده اشتراک ایته آلمهدی.
عین حالده، آسیا بیلشوولریده ایچکی باشگاهلر حضورسیزلیگی توغریسیده خواطرلر توغیلگن و بیرقطارلرنینگ ایشانچیگه کوره، شو دلیل باشقه درجه بندلیکلرده افغانستان فوتبال تیرمه جماعهسی نینگ کوپینچه قویی کیلیشیگه سبب بولیشی ممکن.
