.jpg)
ننگرهار ولایتیده قورالی ناتانیش کیشیلر انعکاس رادیو تلویزیونینینگ باشلیغی زلمی لطیفینی اوغیرلب و اونینگ هیداوچیسینی اولدیرگنلر.
بوگون "چهارشنبه" خبرچیلر خوفسیزلیگینی سقلش کمیته مسووللری و مملکت شرقیده قطار خبرچیلرنینگ بیر خبری ییغین آرقهلی اوشبو واقعهنی قرهلب ایتیشیچه، امنیتی رسمیلرنینگ تیزلیککه انعکاس رادیو تلویزیونینینگ باشلیغینی اختطافچیلر قولیدن قورتهریش اوچون سعی و حرکت قیلیشی کیرهک.
اوشبو ییغینده اشتراک قیلگنلرنینگ امنیتی وضعیتدن خواطر بیلدریب ایتیشیچه، ننگرهار ولایتده بولگن میدیاللر و خبرچیلر جدی امنیتی تهدیدلر بیلن روپهره دیرلر و حکومتنینگ بوتوغریده دقت قیلیشی کیرهک.
مملکت شرقیده خبرچیلر خوفسیزلیگینی سقلش کمیته مسوولی شیرشاه همدردنینگ ایتیشیچه، جناب لطیفی زرهی موتردن اوغیرلنگن صورتده، باشقه خبرچیلرنینگ خوفسیزلیگینی تامینلنیشی خصوصیده هیچقندی امیدوارلیک یوق.
.jpg)
خبرچیلر خوفسیزلیگینی سقلش کمیته و ننگرهار خبرچیلری، امنیتی نهادلردن انعکاس تلویزیونی باشلیغینینگ قورتهریش اوچون سعی و حرکت قیلیشینی سورهگنلر.
انعکاس رادیوسینینگ خبری مسوولی شکرالله پاسوننینگ ایتیشیچه، بوندن آلدین هم نیچه مرته قورالی هجوم آستیگه قرار تاپیب مالی و جانی زیان کورگن ایدیلر.
عینحالده، ننگرهار حاکمینینگ اورین باسری تمیم عارفنینگ ایتیشیچه، انعکاس رادیو تلویزیونینینگ باشلیغی اوغیرلنگندن سونگ، اونی اختطافچیلر قولیدن قورتهریش اوچون سعی و حرکتلر باشلنگن.
خبرچیلر خوفسیزلیگینی سقلش کمیته مسووللریگه کوره، اوتگن ییل خبرچیلرگه قرشی 17 واقعه اوشبو ولایتده رویخطکه آلینگن ایدی، بیراق جاری ییلده حاضرگهقدر 7 واقعه رویخط گه آلینگن.
