.jpg)
افغانستان انسان حقلری کمیسیونی ینگی گزارشیده «1396- ییل قوراللی آتیشمهلر جریانیده تینچ اهالی قربانلیگی» 1395- ییلگه قرهگنده 15% کوپهیگنیدن خبر بیرهدی. عین حالده، انسان حقلری کمیسیونینینگ گزارشی توپلم قربانلیک رقمیده یرهلنگنلر 21% کمهیگن دییدی.
اوشبو گزارش اساسیده، اوشبو ییلده تینچ اهالی قربانلیگی 9413 کیشی بولگن و بو جملهدن 3239 کیشی هلاک و 6174 کیشی یرهلنگن. هلاک ایتیلگنلرنینگ جملهسیدن 47.3% ایرککلر، 38.1% عیاللر و 12.5% بالهلر دیر.
انسان حقلری کمیسیونینینگ گزارشی اساسیده، جنوبغرب زونی 3195 کیشی قربانلیگی بیلن کوپینچه قربانلیگی بولگن زون حسابلنهدی و مرکز 1868 کیشی قربانلیک، شرق زونی 1561 کیشی قربانلیک، غرب 1110 کیشی قربانلیک و شمال زونی 662 کیشی قربانلیک بیلن تیزیم شکلده قربانلیگی کوپ بولگن سونگی زونلر سنلهدی.
مذکور گزارش اساسیده، تینچاهالی قربانلیگینینگ 62.2 % دولت قورالی قرشی، 7.8 % دولت گه طرفدار کوچلر و 0.4 % قربانلیک ایسه پاکستان حربیلری تمانیدن صورت تاپگن. انسان حقلری کمیسیونینینگ گزارشیگه کوره، پاکستان حربیلری تمانیدن افغانستان شرقی چیگرهلریده راکت اوقی آتیلیش رقمی اوتکن ییلده قرگنده 66 % کوپهیگن.
حکومت قرشیلریگه تیگشلی بولگن قربانلیکلرجملهسیدن، 57 % (5370) کیشی سیگه طالبان عامل بولیب و 8.1 % گه ایسه داعش گروهینینگ قولی بار و تینچ اهالینینگ (26.6) قربانلیک عاملی حاضرگچه بیلی ایمس.
انسان حقلری کمیسیونینینگ ایتیشیچه، چیتایلیک و افغان خوفسیزلیک کوچلرنینگ هجوملری نیتجهسیده 736 تینچاهالی هلاک و یرهلنگن لر. اوشبو جملهدن 641 کیشی (6.8) قربانلیکلرده افغان خوفسیزلیک کوچلری سبب بولیب و باشقه 95 کیشینینگ قربانلیگیده چیتایلیک کوچلرنینگ قولی بار. اوشبو رقم گه قرهگنده خوفسیزلیک کوچلر و چیتایلیک کوچلرنینگ هجوملری نیتجهسیده قربان بولهدیگن لرنینگ رقمی 1395- ییل گه قرهگنده 45 % کمهیگن.
اوشبو گزارشنی بیر بولیمیده 3001 (31.9 %) مورد قربانلیک خودکش هجوملر، 1840 (19.5 %) زمینی آتیشمهلر، 1436(15.3 %) جاده تیپرهگیده ییرلشتیریلگن ماینلر، 1400 (14.9 %) راکتی هجوملر و باشقه 481 ( 5.1 %) قربانلیکلرده هوایی هجوملر عامل بولگن دیر.
انسان حقلری کمیسیونینینگ گزارشیگه کوره، خودکش هجوم قربانلیکلری 28 % کوپهیگن (1395-ییل 25 % ایدی و 1396-ییل 32 % ) عینحالده اوشبو رقم، ترورچیلیکنینگ 15 % و زمینی آتیشمهلر قربانلیگی 11 % کمهیگنی نی کورستهدی.
افغانستان انسان حقلری کمیسیونینینگ گزارشیده، افغانستان ایرکین رسانهلردن حمایت ایتیش دفتریدن نقل قیلیب ایتیلیشیچه، 1396-ییل خبرچیلرقربانلیگی 21 قتل شامل 166 مورد گه یتیشگن.
کابل، هرات و میرزااولیگده هزارهلرگه قرشی هدفلی هجوملر نتیجهسیده 550 کیشی هلاک بولیب و یرهلنگن دیر.
افغانستان انسان حقلری کمیسیونی، تینچ اهالی تلفاتی گه توسیق بولینیش برنامهسی قوریلیشی و حکومت تامانیدن تینچ اهالی قربانلیگی ده توسیق بولینیش بوردنینگ تصویب ایتیلیشی نی خوش قرشیله گن.
اوشبو گزارشنی سونگیده افغانستانده اوروش گه دخیل گروهلردن آتیشمهلری جریانیده تینچ اهالینینگ مال و جانلریگه دقت قیلیشلرینی سورهگن.
عین حالده، نیچه آی آلدین خلق ارا جزا محکمهسی افغانستانده اوروش جنایتی گه باغلیق شکایتلرنی تینگلش و رویخطگه آلیش ایشینی رسمی شکلده باشلهگن. شونینگدیک انسان حقلری کمیسیونینینگ گزارشیده مذکور محکمهنینگ فعالیتی یخشی توصیف ایتیلیب و افغانستانده انسان حقلرینی نقض قیلگنلر محکمه گه تارتیلیشی سورهلگن.
انسان حقلری کمیسیونی تامانیدن تینچ اهالی قربانلیگی توغریسیدهگی بوگون کابل ایکی قانلی خودکش هجوم گه گواه بولگن بیرچاغده، نشر ایتیلگن. اوشبو ایکی هجوم نتیجهسیده چمهسی 29 کیشی هلاک و باشقه 45 کیشی یرهلنگن؛ هلاک ایتیلگنلردن 9 تهسی خبرچی دیر.
