دولت باشقرهلاوچیلیگی حکومتنینگ اوچ بلند مرتبهلی رسمیسی پاره خورلیککه عیب لهنیب قولگه آلینگنیدن خبر بیرگن. بوگون بیر خبری ییغینده اشتراک قیلگن بصیرعزیزنینگ ایتیشیچه، مالیه وزیرلیگی نینگ بیر بلند مرتبهلی رسمیسی قوشیچه لوگر ولایتی کانلر و پترولیم باشقرمهسینینگ رییسی قولگه آلینگن.
جناب عزیزیگه کوره، مالیه وزیرلیگینینگ اوشبو رسمیسی 165 مینگ دالر و لوگر کانلر ادارهسی باشلیغی ایسه اون مینگ دالرنی پاره آلگنده عیبلهنیب حبسگه آلینگن.
مملکت دولت باشقرهلاوچیلیگی سولازوچیسی، مذکور شخصلرنینگ دوسیهسی تیکشیروگه آلینگن دیب تیزلیکده عالی محکمه گه جونه تیلهدی دیگن.
بوندن نیچه وقت آلدین لوگر ولایت والیسی نینگ سوزلاوچیسی سلیم صالح سلاموطندارگه جناب سهاک پاره خورلیک همده کانلرنی ناقانونی قازیب چیقاریشده عیبلنگن دیگن ایدی. بوندن ایکی هفته آلدین ملی امنیت، ولایتی کینگش و پولیس قوماندانلیگیدن تشکیل ایتیلگن کمیته لوگر ولایتی کانلر ادارهسیده فسادنی تیکشیریشنی باشلهگن ایدی.
مذکور کمیته اعضاسی همده ولایت کینگش اورین باسری عدالت عبدالرحیمزینینگ بیلدیریشیچه، تیکشیرووده اوشبو ادارهده فساد موجودلیگی تصدیق لنگن.
شونینگدیک عزیزی مذکور اولتیریشده شهر قوریش وزیرلیگینینگ اداری مدیری هم قولگه آلینگن دیگن. او، پشتنی بانک سابق رییسی حیاتالله دیانی نینگ دوسیهسی تکمیل ایتیلگن دیگن.
جناب عزیزینینگ سوزلریگه کوره، پشتنی بانک سابق رییسی اوچ محکمهنینگ قراری اساسیده بیر میلیارد افغانی تولش بیلن اون ییل آزادلیکدن محروم ایتیلگن.
