اخیرگی بیر نیچه کونده یوز بیرگن آغیر یاغینگرچیلیکلر شمالی بغلان ولایتیده سوو تاشقینی روی بیریب، نتیجهده اوچ عیال قوشیمچه بلاغتگه ییتمهگن تورت گودک حیاتدن کوز یومگن.
بغلان طبیعی حادثهلرگه قرشی کورهش ادارهسی نینگ رییسی محمدنصیر کهزادنینگ سلام وطندارگه ایتیشیچه، سونگی نیچه کوندن بیری یاغینگرچیلیکلرنی پلمخمری شهریده دوامی بار.
جناب کهراذ، مذکور سوو تاشقینلری عاقبتیده بیش کیشی اویلیب توشگن اویلر آستیده قالیب عالمدن اوتگن لیگینی بیلدیرگن. مذکور طبیعی واقعهلرده یوزلب تورر بنا اورتهدن کیتگنی ایتیلهدی. رسمیلرگه کوره، هنوز هم اونلب یشش بنا سوو تهدیدلری بیلن روپه ره. شونینگدیک جناب کهزاد، جبر کورگنلر خانهدانلر امنیتی تامین لنگن منطقهلرگه کوچیریب باریلگن.
لیکن، ضرر کورگنلر هنوزگچه هیچ قندهی یاردم قولگه کیریتمهگن لیکلریدن گپیرگنلر.
باشقه تاماندن بغلان طبیعی حادثهلرگه قرشی کورهش ادارهسینینگ رییسی جناب کهزاد، پلخمری شهری یقینده جایلشگن نورهب توشگن اولکن بیر تاش نتیجهسیده کابل – مزارشریف یولی ترافیک یوزیگه یاپیلیب قالگن لیگینی بیلدیرگن.
گزارشلرده طبیعی حادثهلرده بادغیس اهالیسی هم امانده قالمهگنی معلوم قیلینهدی. اوشبو ولایتده یوز بیرگن سوو تاشقینی آقیمیده آلتی انسان حیاتدن کوز یومگن. شونینگدیک یوزلب جریب ایکین ییر سوو آستیده آلگن.
بوندن اوچ کوندن بیری بادغیس ولایتی لامان منطقهسیده یوز بیرگن سوو تاشقینلری جریانیده عمومی یوللر سوو آستیده قالیگنی سبب هرات بادغیس عمومی ترانسپورت قتناوو یولی باغلهنیب قالگن.
بادغیس امنیه قوماندانلیگی نینگ خوفسیزلیک آمری محمدقیوم انگارنینگ سلام وطندارگه ایتیشیچه، آخرگه کیلیب، اوچ کوندن سونگ مذکور یول ترافیک یوزیگه آچیلگن.
افغانستان نینگ کوپچیلیک ولایتلری بهار فصلی کیریب کیلیشی بیلن آغیر یاغین گرچیلیکلر طفیلی سوو تاشقینلری گواهی بولهدی.
