قندوز ولایتی محلی رسمیلرینینگ ایتیشیچه، مذکور ولایتنی یریمیدن کوپراغی قوراللی طالبلر نظارتیده بولگن و حکومت بو مسئله توغریسیده تیزلیکده دقت قیلمهگن صورتده، قندوز قیتهدن قوراللی طالبلر قولیگه توشهدی.
اولرنینگ کوپهیتیریشیچه، قوراللی طالبلر نظارتیده بولگن منطقهلرده اوچدن آرتیق اورگهتیش قرارگاه توزهتگن و اولر کوکلم موسوم اوروشی اوچون تیارگرلیک آلهدی.
مذکور ولایت سرپرستی حمدالله دانشینینگ سلاموطندارگه ایتیشیچه، امام صاحب اورمانی اوشبو گروه فعالیتی اوچون باش پناهگه اوزگرگن و قوراللی طالبلر مذکور منطقه شامل دشتارچی و چهاردره تومنلریده اورگهتیش مرکز ایجاد قیلگن و کوکلم موسوم اوروشی اوچون یاشی قویی بالهلرگه حربی تعلیمات بیرهدی.
جناب دانشینینگ آگاهلنتیریشیچه، قندوز تازهلنیشی خصوصیده کینگ عملیات یولگه قوییلمهگن صورتده، اوشبو ولایت قوراللی طالبلر قولیگه سقوط قیلیشیدن آلدین، وظیفهسیدن وازکیچهدی.
گزارشلر اساسیده، حاضر کیچه تاماندن ترور قیلیش و خلق موترلری طالبلر تامانیدن تیکشیریلیشی عادی مسئلهگه اوزگرگن. اوشبو گروهگه تیگیشلی قوراللی کیشیلر، کمیده بیر هفته آلدین سوو ییتکیزیش ریاستی انجنیرلرینینگ تاشیدیگن کاروان اوستیگه هجوم اویوشتیریب و اولرنی نیچه ساعت قورشاوگه آلگن.
شونینگدیک، مخابراتی شرکتلر کیچه تاماندن قندوزده غیر فعال بولهدی و خلق بیری- بیراوی بیلن علاقه باغلش اوچون، دولتی ترماق سیمکارتیدن فایدهلنهدی.
کمیده تورت آی آلدین، قوراللی طالبلر قندوز شهری اوستیگه کینگ شکلده هجوم اویوشتیریب، مذکور شهر ادارهسینی 10 کون نظارتگه آلگن ایدی. اوشبو واقعهدن کیین، افغانستان جمهورلیک ریاستی، واقعه تیکشیریلیشی اوچون بیر کمیسیون تعیین قیلدی. شونینگدیک، مذکور کمیسیون معلوماتلری عقرب آیینینگ آخریده بیلگیلندی.
