افغانستانده تینچ اهالینینگ اوروش جریانیده اولیشی بارهسیده بیرلشگن ملتلر تشکیلاتی تامانیدن ترقهتیلگن ینگی گزارشگه کوره، حاضرگی طالبلر تامانیدن اویوشتیریلهدیگن هجوملر اوچ فایز آزهییشی بیلن ینه بو گروهنینگ تینچ اهالی اولیشیگه 70 فایز قولی بارلیگی ایتیلهدی.
ترقهتیلگن گزارش شو میلادی ییل بیرینچی آلتی آییده (جنوری آیینینگ باشیدن جون آیینینگ 30 گه قدر) اوتکزیلگن تیکشیرولر اساسیده، بیش مینگ تینچ اهالی (4921) گه ایتکنلیگینی کورستکن. بو آرهده 1592 کیشی هلاک بولگن و 3329 کیشی یرهلنگن.
اوشبو گزارشنی کورستیشیچه، تینچ اهالی تلفاتی شو میلادی ییل بیرینچی آییگه قرهگنده 2014- ییل بیرینچی آلتی آییگه کوره، بیرفایز کوپیگنینی کورستهدی.
افغانستاندهگی بیرلشگن ملتلر تشکیلاتی اورین باسرلیک هیأت (یوناما) انسان حقوقی بولیمی باشلیغی دانیال بیلنینگ ایتیشیچه، تینچ اهالی اولیشی کمهییشیگه آز اوزگریش کیلگنیگه قرهمهی، بو آلتی آیده 23 فایز عیاللر و 13 فایز بالهلر اولیش سانی یوقاری کیتگن. جناب بیلنینگ بیلدیریشیچه، بو ییلگی اوروش اصلی قربانلیگینی بالهلر و عیاللر تشکیل بیرهدی. اوتکن ییل بیرینچی یریمیده قربان بولگن عیاللر سانی 455 کیشی ایدی، بیراق بو ییلگه اوشبو سان 559 کیشیگه ییتکن.
شونینگدیک، مذکور تشکیلات 2014- ییلده بالهلر بارهسیده اوتکزیلگن تیکشیروده 1123 باله اولگن ایکن، بو ییل بیرینچی یریمیده بو سان 1270 بالهگه ییتکن.
بیرلشگن ملتلر تشکیلاتی گزارشی، تینچ اهالی قربانلیگی 16 فایزینی افغانستان امنیتی کوچلری و خلق ارالیک همکارلریگه نسبت بیریب ایتیشیچه، بو آرهده 15 فایز عاملی ایچکی کوچلر و باشقه بیر فایزی تشقی حربیلر بولگن.
اوشبو گزارشگه کوره، یوزمه یوز آتیشمه 10 فایز قربانلیک عاملی و ایچکی اوروشلر دورانیدن قالگن پارتلاوچی مادهلر، اوشبو قربانلیک 4 فایز عاملی بولگن و هیچ بیر تامانگه نسبت بیریلمهیدی.
قربانلیکنی اصلی عاملی
بیرلشگن ملتلر تشکیلاتی گزارشیگه کوره، تینچ اهالیلریدن 90 فایزی ییر اوروشلری، ییرلشتیریلگن ماینلر پاتلهشی، ریجهلنگن قتللر و خودکش هجوملر نتیجه سیگه قربان بولگنلر.
بو گزارش «ییر اوروشلری» تینچ اهالی قربانلیگی اصلی عاملی بیلیب ایتیشیچه، بو اوروشلرنتیجهسیده، 379 کیشی هلاک بولگن و 1198 کیشی یرهلنگن.
اوشبو گزارشنی کورستیشیچه، ییر اوروشلریدن کوتریلگن قربانلیکلر 19 فایز کوپیگن.
شونینگدیک، بو گزارشگه کوره، پارتلاوچی مادهدن کوتریلگن قربانلیک سانی کمهیگن؛ بیراق ییرلشتیریلگن پارتلاوچی مادهدن کوتریلگن قربانلیک سانی 38 فایز کوپیگن. اوتکن آلتی آیده شوندهی بمبلر نتیجهسیده، هلاک بولگنلر سانی 251 کیشی و یرهلنگنلری 255 کیشیگه ییتیشگن.
بیرلشگن ملتلر تشکیلاتی، خودکش هجوملر، چیگل و ریجهلنگن قتللرنی تینچ اهالی قربانلیگی کوپهییشی باشقه عاملی دیب بیلهدی. گزارشده کیلیشیچه، خودکش و چیگل هجوملر نتیجه سیده، کمیده 183 تینچ اهالی هلاک بولگن و باشقه 839 کیشی یرهلنگن. اوشبو هجوملردن کوتریلگن قربانلیک سانی 1022 کیشیگه ییتیشهدی و اوتکن ییل بیرینچی آلتی آییگه قرهگنده، کمیده 78 فایز کوپیگنینی کورستهدی.
شونینگدیک بو گزارش اساسیده، ریجهلنگن و تشکیل ایتیلگن قتللر قربانلیگی کمیده 57 فایز کوپیگن، 699 کیشی جملهسیدن 440 تهسی هلاک بولگن و 259 تهسی یرهلنگن.
بیرلشگن ملتلر تشکیلاتی اورین باسرلیک دفتری، ریجهلنگن و تشکیل ایتیلگن قتللر توغریسیده خواطر بیلدیریب ایتیشیچه، طالبلر بوندهی بیر هجوملرده، شخصیتلر، قضایی رسمیلر، ملالر، قوم بویوکلری، تینچ اهالی رسمیلری و یاردم بیروچی ادارهلر ایشچیلرینی هدف قرار بیرهدی.
گزارشده کیلیشیچه، طالبلر تینچ اهالی موجود عمومی ییرلردن 107 تهسی اوستیگه اویوشتیریلگن هجوم مسوولیتینی بوینیگه آلگن.
بیرلشگن ملتلر تشکیلاتی اورین باسرلیک هیأت دفتری، افغانستان امنیتی کوچلر هجومیدن کوتریلگن قربانلیکلر سانی 60 فایز کوپیگنی توغریسیده خواطر بیلدیرگن و بو قربانلیکلرنی کوپینچهسی ییر اوروشلری اینیقسه هوان اوقلری دییدی.
یوناما، جدی صورتده طالبلردن تینچ اهالی برابریده هجوملرینی توختهتیشینی سورهگن. و تینچ اهالیدن بولگن تعریفلرینی خلق ارا حقوقی ادارهگه بیان ایتیشینی ایستهگن.
افغانستانده بیرلشگن ملتلر تشکیلاتی باش کاتبی خاص نمایندهسی نیکولاس هیسمنینگ ایتیشیچه، بو تشکیلات هر آلتی آیده تینچ اهالی قربانلیگی و اوروش تاثیری توغریسیده گزارش تیارلهیدی.
