.jpg)
تخار ولایتینینگ چیگره کوچلری، بیش کوندن بیری ییگولیک آذوقه ییتکزیلمهگن دیگنلر. اولرنینگ ایتیشیچه، اوتگن پنجشنبه کونی ییگولیک آذوقهلری توگهگندن ایکی کون اوتیشی بیلن ساتیق آمرینی قندوز چیگرهسیدهگی 7- لوادن ییگولیک کیلتیریش اوچون یوبارگن، بیراق حاضرگه قدر عسکرلرگه ییگولیک آذوقهسی ییتکزیلمهگن.
تخار چیگره کندکی قومندانی کریمالله نینگ سلاموطندارگه ایتیشیچه، حاضرگه قدر ییگولیک آذوقه ییتکزیلمهگنلیگینینگ دلیلی اینیق بولمهگن و چیگره کوچلر کندکینینگ پولیسی قوشیمچه منطقه پوستهلریدهگی عسکرلرینینگ هم ییگولیک آذوقهلری قالمهگن.
حربیلر ولایت چیگره کوچلری رسمیلردن تیزلیکده ییگولیک ییتکزیب بیریشنی سورهگنلر.
شونینگدیک اسمی فاش ایتیلیشینی ایسته مگن تخاردهگی محلی منبعنینگ سلاموطندارگه ایتیشیچه، تخار چیگره کوچلری محل یشاوچیلریدن تیلهنچی نان ییغیب آلگنلر.
.jpg)
اما قندوز چیگره کوچلری7- لوا قومندانی جنرال عزیز غیرت، تخار چیگره کوچلریگه ییگولیک آذوقه ییتکزیلمهگنلیگینینگ دلیلی، بوتوغریدهگی بیتیم مرکزده قول قویلگنلیگی سبب بولگن دیگن.
جناب غیرتنینگ ایتیشیچه، نیچه مدتدن بیری مملکت امنیتی کوچلریگه ییگولیک آذوقهسی قراردادی شکلده یوباریلهدی، اولرنینگ قرارگاهلرگه بلد بولمهگنی سبب عسکرلر آذوقهسی وقتیده یوباریلمهگن.
جناب غیرت، اما بوگون تخار چیگرهوی کندکیگه ییگولیک آذوقه یوباریلگن دیگن.
تخار چیگره کوچلری تاجکستان بیلن افغانستان چیگرهسینی قوریش یانیده، بو ایکی مملکت چیگرهوی تومنلریده طالبلرگه قرشی هم کورهشهدیلر.
