.png)
قندوز امنیه قومندانلیگی رسمیلرینینگ ایتیشیچه، دشتارچی تومنینینگ امنیه قومندانی وظیفهسیدن چیلنتیریلیب و ایچکی ایشلر وزیرلیگی تامانیدن کابلگه چقیریلگن.
قندوز امنیه قومندانی عبدالحمید حمیدینینگ سلاموطندارگه ایتیشیچه، دشتارچی تومنینینگ امنیه قومندانی شاهمیرزانینگ بچهبازلیک ویدیوسی اجتماعی ترماق «فیسبوکده» نشر ایتیلگنیدن کیین، وظیفهسیدن چیلنتیریلگن. جناب حمیدیگه کوره، بوندن آلدین هم ایشسیزلیگی سبب شاهمیرزانینگ اوزگرتیریشگه قرار قیلگن ایکن، بیراق ویدیوسی نشر ایتیلگنی سبب، تیزلیکده وظیفهسیدن چیتلنتیریلگن.
قندوز امنیه قومندانینینگ ایتیشیچه، حاضرگچه باشقه کیشی دشتارچی تومنینینگ ینگی امنیه قومندانی صفتیده تعیین ایتیلمهگن.
قندوز محلی رسمیلریگه کوره، اوتگن هفته اجتماعی ترماق «فیسبوکده» بچهبازلیک مجلسیدن بیر ویدیو ترقهتیلگن و بو مجلسده دشتارچی تومنینینگ امنیه قومندانی هم اولتیرگن و آتیگه هم قوشیق هم اوقیلگن.
