.jpg)
افغانستان جمهور رییسلیک سرایی، زوروانلیکدن قول کوتارگن گروهلر بیلن تینچلیک مذاکرهسی اوتکزیلهدی دیگن. مذاکره قیلهدیگنلر برچه خلق ارا اصوللرنی تن آلیشی لازم.
جمهور رییس سوزلاووچیسینینگ اورین باسری سید ظفر هاشمینینگ بوگون کابلده اوتکزیلگن بیر خبری ییغین مذکور سوزلرنی تیلگه آلیب ایتیشیچه، قوراللی طالبلرنینگ اخیرگی پیش شرطینی تصدیقلش یا – ده رد قیلیش بیر کیشی و گروه گه چیکلنمیدی و مخصوص معیارلرنی طلب قیلهدی.
قوراللی طالبلر یکشنبه کونی افغاستان حکومتی بیلن یرهش لایحهسی اوتکزیش اوچون ینگی شرایطلرنی اعلان قیلگن.
.JPG)
مذکور گروهنینگ قطردهگی سیاسی ادارهسی رسمیتگه تانیلیشی، بیرلشگن ملتلر تشکیلاتی قاره رویخطدن طالبلر بلند مرتبهلی رسمیلرینینگ نامی چیقاریلیشی و اولرنی قولگه آلیش و اولدیریش اوچون تعین ایتیلگن مکافات حذف ایتیلیشی، طالبلرنینگ محبوسلری آزاد ایتیلیشی و بو گروهگه قرشی تبلیغاتلرگه پایان بیریش اساسی شرطلریدن بولگن لیگینی اعلان قیلگنلر.
طالبلر، افغانستاندهگی خارجی کوچلر بارهسیده توغریدن – توغری امریکه قوشمه ایالتلری بیلن مذاکره قیلیشنی بیلدیرگن؛ اما، افغانستانگه قرهشلی مسالهلر بارهسیده حکومت بیلن بحث قیلهدیلر.
بوندن آلدین طالبلر حرکتینینگ اساسی پیش شرطی خلق ارا کوچلری افغانستاننی ترک قیلیش بولگن، لیکن بو بار مذکور موضوع اوچون بوندی مسالهلرنی بحث قیلمهگنلر.
طالبلر اوشبو پیش شرطلرنی اوتگن کون دوحهده پگواش تامانیدن اوتکزیلگن ییغینده اعلان قیلگن.
