پنجشنبه کونی طالبلر بیر اعلامیه ترقهتیب، افغانستان حکومتی تامانیدن ایستکلری تن آلینگن تقدیرده تینچلیک مذاکرهگه تیار ایکنلیکلرینی ایتگنلر؛ اما افغانستان دولتی هم تینچلیک مذاکرهلر قیته باشلهنیشی اوچون پیش شرطلری بولگنلیگینی معلوم قیلگن.
طالبلر اوز اعلامیهسیده افغانستاندن خلق ارا کوچلری چیقیشی همده اسلامی شرعیت تطبیق ایتیلیشی اساسی پیش شرط لریدن بولگنی ایتیلهدی.
جمهور رییس غنینینگ سوزلاووچیسی سیدظفر هاشمینینگ بو بارهده ایتیشیچه، اوتگن اون تورت ییلده افغانستان حکومتینینگ قولگه کیریتگن یوتوقلری سقلهنیب قالیشی و طالبلر تامانیدن حکومت اساسی قانونی تن آلینیشی تینچلیک مذاکر اوتکزیش اوچون افغانستان دولتینینگ اساسی ایستکلریدن دیر.
عین حالده، حکومت اجراییه ریاستی سوزلاووچیسینینگ اورین باسری فیصل جاوید دولت قوراللی مخالفلری بیلن افغانستان حکومتی اورتهسیده آتیش کیسین اعلان ایتیلیشی ایکینچی دور تینچلیک مذاکرهنینگ اساسی پیش شرطلریدن دیگن. اونینگ سلاموطندارگه بیلدیریشیچه، تینچلیک مذاکرهنینگ ایکینچی دوری باشلنمسدن آلدین طالبلرنینگ نمایندهسی مذکور اولتیریشده اساسی قرارنی آلیشگه ایگهمی یا – ده یوق.
جناب فیصل، پاکستان افغانستانده حقیقی تینچلیک تامین ایتیلیشینی ایستهگن حالده، بیرینچیدن طالبلرنی حمایت قیلیشدن قول کوتاریشی کیرهک دیگن.
عین حالده، نمایندهلر مجلسینینگ اعضالریدن میربتخاننینگ سلاموطندارگه معلوم قیلیشچه، پاکستاننی خلق ارا باسیم آستیگه آلینیشی او مملکت طالبلرنی قیتهدن افغانستان حکومتی بیلن تینچلیک مذاکرهگه اولتیریشگه مجبور ایتگن.
جناب منگل طالبلرنینگ سونگی وقتلرده اعلان ایتگن اعلامیهسی پاکستان ایستهگی اساسیده افغانستان حکومتیگه یوباریلگن دیگن.
تینچلیک مذاکرهنینگ بیرینچی دوری نیچه وقت آلدین پاکستانده اوتکزیلگن ایدی و ایکینچی دوری هم تیبزلیکده اوتکزیلیشی کوتیلردی، اما جنگری طالبلرنینگ رهبری ملاعمر وفاتی اعلان ایتیلگندن سونگ مذکور برنامه نا معلوم وقتگچه کیین قالدیریلدی.
عین حالده، امریکه جمهور رییسی بارک اوباما هم قوراللی طالبلرنی تینچلیک مذ اکرهگه تیار قیلیش اوچون سعی وحرکتلر بارلیگیدن خبر بیرگن. اوباما مذکور موضوع اوستیده کیلگوسی هفته پاکستان باش وزیری نواز شریف بیلن بحث ایتلیشینی بیلدیریگن.
پاکستان حکومتی هر دایم افغانستان دولتی بیلن طالبلر اورتهسیده تینچلیک مذاکره اوتکزیش اوچون تیارگرلیک کورستگن، بیراق، باشقه تاماندن او مملکت تینچلیک مذاکره گه صادق بولمی، قوراللی طالبلرنی حمایت قیلگن لیکده هم عیبلهنیب کیلگن.
