افغانستان اجراییه ریاستینینگ ایکینچی اورین باسری محمد محقق، افراطچیلیک میزانی آشگنلیگی افغانستان اوچون ینگی معمالر توغدیرگنلیککه سبب بولگنلیگینی ایتگن. حکومت نینگ مذکور بلند مرتبهلی رسمیسیگه کوره، افراطیت رواجلهنیشی افغانستان ایمس، بلکه منطقه ممکتلرینی جدی تهدید قیلهدی.
اوتگن کون بلخ ولایتیده عبدالعلی مزاری اولدیریلگنلیگی مناسبتی بیلن اوتکزیلگن ییغینده نطق سوزلهگن محقق، منطقه دولتلریده ایریم معین گروهلر شکللهنیب اسلام فعالیتی آستیده مسلمانلرنی اولدیریشگه حرکت باشلهگن لیکلرینی بیلدیرگن.
محقق نینگ ایتیشیچه، زابل، فراه و هلمند ولایتلریده مذهبی اوروشقاقلر جایلشگن. ایتیلیشیچه، مذکور گروهلر نیابتی اوروشنی ایلگری سوریشگه حرکت قیلهدی. شونینگدیک محقق مذکور گروهگه خطاب قیلیب، شوروی تقدیریگه دوچار بولیشلری بارهسیده آگاهلنتیرگن.
شونینگدیک مذکور گروهلر پیدا بولگنلیگی باره سیده بلخ ولایت سرپرستی عطا محمد نور هم آگاهلنتیریب ایتیشیچه، طالبلرنینگ آق بیرهغی قاره بیرهققه اوزگرگن. اونگه کوره، اوروش ممکلتده دوام تاپهدی. طالبلر اعضالرینی داعشگه قوشیلیشی افغانستان اوچون ینگی بیر معما سنلهدی.
شونینگدیک جناب نور، داعشگه قرشی فعالیت قیلیش اوچون جهاد رهبرلری همده قوماندانلردن بیر بولیشلرینی سوره گن «پیام عدالت» ناملی ییغینده اشتراک قیلگن قطار دین عالملری مملکتده افراطیت رواجلنگن لیگیدن تشویش بیلدیرگنلر.
اولرنینگ ایتیشلریچه، مذکور گروهلر تیل، مذهب، سمت، قوم و اهالی فرقلیگیدن فایدهله نیب انسانلرنی نابود قیلیشگه اولگورهدی. اوشبو ییغینده قتنشگنلردن بیری شریف ناصرزاده نینگ سوزلریگه کوره، ایریم معین دولتلر افراطی گروهلرنی حمایت قیلهدیلر.
اوشبو مملکتلر افراطی گروهلرنی حمایت قیلیش بیلن اسلامنی بدنام قیلیشگه قتیق سعی و حرکت قیله یاتگنلیک لرینی تیلگه آلهدی. شونینگدیک دین عالملری افغانستان حج اوقاف وزیرلیگیدن افراطیت گروهلر آلدینی آلیشده جدی بولیش لرینی سورهگنلر.
عین حالده، مملکت حج اوقات وزیرلیگی هر قندهی افراطی گروهلر آلدی آلینیشی اوچون مملکت بویلب ینگی تدبیرلر قولگه آلینگنلیگیدن خبر بیرگن. افغانستان حج اوقاف وزیرلیگی نینگ معاونی داعی عبدالحق نینگ سلام وطندارگه ایتیشیچه، افراطی گروهلر فعالیتی آلدی آلینیشی اوچون سابق جمهور رییس حامد کرزی فرمانی اساسیده اعتدال ناملی مرکزنی ایجاد قیلگنلر. عابد، مذکور مرکز دنیا نینگ 40 اسلامی دولتی بیلن علاقهسی بارلیگینی ایتگن. شونینگدیک افغانستان سابق جمهور رییسی حامد کرزی، اسلامی دولتلرگه، اسلام دینی بوییچه سیاستلریگه اوزگریش کیرتیشلرینی وسورهگن ایدی. سونگی کونلرده افغانستانده داعش گروهی همده ایریم افراطی گروهلرنی فعالیتگه باشلهگنلیگی، افغانستان حکومتیدن تشقری تینچ اهالینینگ هم جدی خواطریگه سبب بولیب کیلماقده.
