چین تیزلیکده امنیت تأمین بولیش اوچون، کابلنینگ تورت ایشیگیده تیکشیروچی دستگاه قورهدی. مذکور مملکتنی افغانستاندهگی ایلچیسی دینگ زیجون نینگ ایتیشیچه، کابل امنیتی تأمین بولیش اوچون زمانوی برقی دستگاه توزهتکن.
جناب زیجون، (دوشنبه کون) جمهور رییس ملی امنیت مصلحتچیسی حنیف اتمر بیلن اوچرهشگن چاغیده اوشبو مطلبنی بیان ایتیب قوشیمچه قیلیشیچه، اوشبو دستگاهلر امنیتی کوچلرگه پارتلاوچی مادهلرنی تانیش خصوصیده یاردم بیرهدی.
شونینگدیک چین ایلچیسینینگ ایتیشیچه، بو دستگاهلردن قنقه صورتده، ایش آلینیشی و قوریلیشینی امنیتی کوچلردن بیرقطاریگه تعلیم بیرهدی. او ینه بیربار امنیتی کوچلرنینگ جهازلنتیریش توغریسیده مملکتینینگ علاقهسینی بیان ایتیب ایتیشیچه، چین، افغانستان امنیتی تأمین بولیشی و حکومت ایشلریدن حمایت قیلهدی.
شونینگدیک، جمهور رییس ملی امنیت مصلحتچیسی، چیننینگ یاردملریدن منتدارلیک بیلدیریب، بو دستگاهلرنی قوریش خصوصیده رسمیلری بیلن صحبت قیلیشینی ایتکن. جناب اتمرگه کوره، چیننینگ بیر دههلیک یاردملری و اوشبو مملکتنی افغانستانده تینچلیک تأمین بولیشی توغریسیده قیلگن سعی و حرکتلری کابل- پیکینگنی دوستلیک علاقهسینی کورستهدی.
گزارشلرگه کوره، جناب اتمر اوشبو اوچرهشووده چیندن امنیتی کوچلرگه حربی جهاز یاردم بیریشینی سورهگن.
چین، هردایم افغانستان اوچون تأثیرچین مملکتلردن بیری بولگن. اوشبو مملکت، تینچلیک مذاکرهدن حمایت ایتکن، شونینگدیک پاکستاننی مری شهریده اوتکزیلگن رسمی تینچلیک مذاکرهسیگه اوز نمایندهسینی یوبارگن. کابل- پیکینگ علاقهسی ملی بیرلیک حکومت تشکیل ایتیلیب و جمهور رییس غنی، چین بارگنیدن کیین یخشی بولدی و بو سفرده مذکور مملکتنی ییریک رسمیلری بیلن اوچرهشدی.
