سلاموطندارگه صحبت بیرگن فراه ولایت کینگشی اعضاسی دادالله قانعنینگ ایتیشیچه، اوتگن کیچه قوراللی طالبلر فراه ولایتینینگ بالابلوک تومنی و فراه شهرینینگ شوالگاه منطقهسیده اوچ امنیتی پوسته اوستیگه گروهی شکلده هجوم قیلگنلر.
جناب قانع گه کوره، فراه شهرینینگ شوالگاه منطقهسیدهگی امنیتی پوسته اوستیگه طالبلر تامانیدن اویوشتیریلگن هجومده امنیتی کوچلردن 5 تهسی هلاک ایتیلگن و باشقه 4 تهسی طالبلرنینگ قولیگه توشگن.
اونینگ کوپهیتیریشیچه، قوراللی طالبلر بالابلوک تومنیده باشقه 2 پوسته اوستیگه هجوم قیلگن و بو پوستهلردن بیریده امنیتی کوچلردن 9 تهسی و باشقه بیر پوستهده 8 تهسی هلاک ایتیلگن.
قانع گه کوره، طالبلر مذکور اوچ پوستهدهگی برچه حربی جهازلرنی اوزلری بیلن آلیب کیتگن و شونینگدیک، بیر هاموی تانکینی اوتگه یاندیرگن.
بیراق، فراه حاکمی سوزلاوچیسی ناصر مهری، اوچ پوسته اوستیگه طالبلر تامانیدن اویوشتیریلگن هجومنی تصدیقلب ایتیشیچه، بو هجوملرده امنیتی کوچلردن 8 تهسی هلاک ایتیلگن.
اونینگ کوپه یتیریشیچه، بو آتیشمهلرده 15 جنگری طالب هلاک ایتیلگن.
