بیز برچه منطقه دولتلرینی قاچقینلر حق حقوقینی مدافعه قیلیش سیاستیگه یونلتیریشگه سعی وحرکت قیله میز.
افغانستان قاچیقینلر افغانستانلیک قاچیقینلرنینگ سانی 6.3 میلیونگه ییتگن. مهاجرت پدیده سیگه دنیا بویلب بیر واقعیت صفتیده یانده شیش کیرهک. بیز برچه منطقه دولتلرینی قاچقینلر حق حقوقینی مدافعه قیلیش سیاستی گه یونلتیریشگه سعی وحرکت قیله میز.
افغانستان قاچیقینلر ایشلری بوییچه وزیری جناب سید عالمی بلخی نینگ جمهور رییس غنی بیلن بولگن اوچره شووگه اشاره قیلیب ایتیشیچه: جمهور رییس غنی قاچقینلردن آرقه داشلیک قیلیش اوچون ایجاد ایتیلگن ملی عالی لایحه نی حمایت قیلگن.
بو لایحه تیز آره ده تکمیل ایتیله دیگن جناب بلخی. بو لایحه وزیرلر کینگشیده محاکمه قیلینه دی. جناب عالمی بلخی، مذکور لایحه وزیرلر کینگشیده تصدیقله نیشیگه امیدارلیک بیلدیرگن.
قاچقینلر ملی عالی بردی ایجادی ایتیلیشی بیلن، قاچقینلر کیشیلیک حالده حمایت قیلینیشدن جمع طرزده حمایت ایتیلیشلریگه شرایط یره تیلهدی. مذکور برد اساسی قاچقینلر مساله سی ملی حکومت نینگ اساسی سیاستلری اطرافیگه اورین آلیشی کوتیلهدی.
شونینگ دیک جناب بلخی، ایران، پاکستن و یونانده افغانستانلیک مهاجرلر بیلن بوله دیگن قوپال معامله عکس العمل بیلدیریب ایتیشیچه، مهاجرت پدیده سی اوچون دنیا بویلب بیر واقعیت حیثیده یانده شیلیشی لازم. اما، بیزنینگ سیاستیمیزگه علاقه دار موضوع انابت گه آلینگن حالده، بیز قاچقینلر مساله سی اوچون برچه دولتلر بیلن اوز سیاستیمیزگه اوزگریش کیریتیش حتمی.
اونگه کوره، بیز برچه مملکتلردهگی افغانستانلیک مهاجرلرنینگ احوالی قندهی لیگی باره سیده معلوماگه ایگه، شونینگ دیک افغانستانلیک مهاجرلر قیسی شرایطده استقامت قیلیشلری هم بیزگه انیق.
شونینگدیک، بیز آسترلیا، هالند و باشقه مملکتلردهگی قاچقینلریمیز احواولی قیندهی لیگینی هم بیله میز دیدی جناب بلخی. شونینگدیک جناب بلخی قوشنی مملکتلرده افغان مهاجرلری رویخطگه آلینیش مسالهلر باره سیده ایتیشیچه، ایران و پاکستاندهگی وطنداشلریمیز نینگ اساسی قیین چیلیکلری رویخطگه آلینیش مساله سی دیر. کوپچیلیک مهاجرلر رویخطگه آلینمه گنلر.
بو موضوع قوشنی مملکتلریمیزنی هم تشویشگه قوییشی ممکن. اوندن تشقری بیزهم قیسی مملکتده قنچه مهاجریمیز استقامت قیلیشی توغریسیده معلوماتی میز بولیشی کیرهک. انه شو سبب مذکور مملکتلرده ینگی بیر سیستمنی ایلگیری سوریش بیلن افغان قاچقینلری قیین چیلیگی نینگ کته قسمی حل ایتیلهدی.
افغانستان قاچقینلر وزیری جناب عالمی بلخیگه کوره، پاکستانده 2.6 میلیون افغانستانلیک مهاجری حیات کیچیرهدی. شونینگدیک 2.45 میلیون انسان ایرانده استقامت قیلهدی. عین حالده دنیا نینگ ایریم مملکتلریده 1.2 میلیون کیشی مهاجرتده یشب کیلیشماقده.
مذکور رقم دنیا مملکتلریده قانونی و نا قانونی استقامت قیله دیگن قاچقینلرنینگ اساسی رویخیدیر. انه شو رقم گه قرهگنده، هنوز هم دنیا بولیب 6.3 میلیون افغانستانلیک انسان مهاجرتده حیات کیچیریب کیلماقده.
عین حالده، افغانستان ایچکریسیده 800 عایله اوز اوی جایلیریدن آواره بولگنلیگی ایتیلهدی. مذکور عایلهلر کوپینچه هلمند، قندهار، غور، فاریاب، جوزجان، سرپل، و هرات ولایتلریدن عبارت. ایتیلیشیچه، 30 مینگ کیشی طبیعی حادثهلر طفیلی و 700 مینگ انسان ایسه ایچکی اوروشلر و نابرقارلیکلر باعث اوز قیشلاقلرینی ترک قیلیب باشقه جایردن باش پنه ایزلهگن.
