کابلده خبری بیر ییغین اوتکزگن ایچکی ایشلر وزیرلیگی نینگ مطبوعات دفتری سرپرستی نصرت رحیمی نینگ ایتیشیچه، امنیتی کوچلری نوروز کونلری نشانلنهدیگن منطقهلرده خاص شکلده امنیتی تدبیر آلگنلر.
رحیمی مملکت یشاوچیلریدن خوفسیزلیک تأمینلنیشی خصوصیده امنیتی کوچلرگه یاردم بیریشلرینی سورهدی.
اوشبو ییغینده ایچکی ایشلر وزیرلیگی نینگ مطبوعات دفتری سرپرستی، ینگی ییلده دولت گه قرشی قوراللی عصیانچیلر نابود ایتیلیشی اوچون ملی مدافعه وزیرلیگی نینگ رهبرلیگی ده خالد عملیاتی باشلهنیشیدن خبر بیرهدی.
رحیمی نینگ کوپهیتیریشیچه، 1397- ییل، مملکت ده داعش گروهی نینگ باش پناهلری نابود ایتیلگن و یالغیز بیرقطاری، ننگرهار، جوزجان و فاریاب ولایتلریده قالگن.
ایچکی ایشلر وزیرلیگی نینگ مطبوعات دفتری سرپرستی تامانیدن بیریلگن معلومات اساسیده، 1397- ییلده طالبان گروهی گه قرشی 6 مینگ دن آرتیق عملیات عمل گه آشیریلگن و نتیجه ده مذکور گروه نینگ 650 ییریک مسؤوللری هلاک ایتیلگن.
