آلمان ایچکی ایشلر وزیری توماس دیمیزیرنینگ ایتیشیچه، افغانستانگه اوز ایستکلری بیلن قیتهدیگن قاچقینلرگه قیتهدن عادی حیاتلریگه دوام بیریش اوچون اقتصادی یاردم بیریلهدی. شونینگدیک، جناب دیمیزیرنینگ اورغولشیچه، افغانستاننی ناتینچ منطقهلریدن قاچیب چیقگن قاچقینلیک شرایطیگه ماس قاچقینلرنینگ باش پناهلیک ایستکلری قبول ایتیلهدی.
اوتگن «دوشنبه کون» کابلده بیر خبری ییغینده آلمان ایچکی ایشلر وزیرینینگ ایتیشیچه، قاچقینلیک شرایطیگه ماس بولمهی و هیچ قندهی خطر تهدید قیلمهیدیگن قاچقینلر وطنلریگه قیتریلهدی.
شونینگدیک جناب دیمیزیر، یشاوچیلرنینگ قاچیشی باشقریلیشی خصوصیده، اروپایی مملکتلر اینیقسه آلمانده کابل- برلین ناملی اویغون کمپاین یولگه قوییلیشیدن خبر بیردی. اونینگ ایتیشیچه، افغانستان یشاوچیلری اروپا نیتیده اویقولری حقیقتگه اوزگریشی اوچون قاچاقچیلرگه الدهنمهی وطنلرینی ترک قیلمسلیکلری کیرهک.
بو ییغینده آلمان ایچکی ایشلر وزیرینینگ ایتیشیچه، اوشبو مملکت افغانستاننی دایمی تینچلیککه ایریشگینچه ترک ایتمهیدی و یاردملری امنیتی کوچلر کوچلنیشی و افغانستان قیته قوریلیشی خصوصیده دوام ایتهدی.
اروپایی مملکتلرگه قاچقینلر هجومی توغریسیده توماس دیمیزیرنینگ ایتیشیچه: «دیمک افغانستاننی امنیتی وضعیتی چیگل دیر، بیراق افغانستان کته مملکت و اونگه تینچ و ناتینچ منطقهلر موجود.» اونینگ ایشانچیگه کوره، قاچقینلردن کوپینچهسی امنیتی دلیل ایمس، بلکیم یخشی کیلهجکلری اوچون آلمان بارهدیلر.
شونینگدیک، افغانستان ایچکی ایشلر وزیری نورالحق علومی، اوشبو ییغینده آلماندن دوست مملکت صفتیده ایسلب ایتیشیچه، مذکور مملکت میلادی 2001- ییلدن بویان، افغانستانده قیته قوریش و ملی پولیس تربیهلنیشی خصوصیده، 2 میلیارد دالردن آرتیق پول صرفلهگن.
دیمک اوتگن بیر ییلده ناتینچلیک و قشاقلیک باعث، افغانستان، عراق و سوریه یشاوچیلریدن کوپینچهسی حیاتلرینی خطرگه قوییب اروپایی مملکتلرگه ییتیب بارگن.
گزارشلر اساسیده، سوریه قاچقینلریدن کیین، افغانستانلیکلر ایکینچی گروه کیم، آلمان ییتیب بارگن. بریتانیا، آلمان، فرانسه، سویدن و ناروی قاچقینلرگه یخشی حیات کیچیریش اوچون بیرینچی و یقین مقصد بولگن.
جاری ییل باشلنگنیدن بویان، 150 مینگ کیشی دینگیر یولیدن ایتالیا و یونانگه ییتیشگن و شونینگدیک، باشقه بیرقطاری قوریق چیگرهدن بالکان مملکتلری تامانیدن شنگنگه اعضا مملکتلرگه ییتیب بارگنلر.
