هرات ولایت کینگشی نینگ اعضالری همده بیر قنچه یشاووچی ولایت نینگ شمالی تومنلری قالهویرسه کهسان، کشکرباطسنگی، گلران، کشک کهنهده امنیتی وضعیت یامان ایکن لیگی توغریسیده خواطر بیلدیرگنلر. خلق، مسالهگه حکومت اعتبار بیرمهگن حالده، هرات مرکزی امنیتی بوزیلیشی ممکن دیدیلر.
اولر، سونگی کونلرده قوراللی طالبلر کشک کهنه و کشکرباطسنگی تومنلریده بیر اعلامیه نشر قیلیب، تاووق گوشتی ساتیلمسلیگینی تعقیق لهگن دیگنلر. شونینگدیک طالبلر بو تومنلرده خوشلیک بیرهملرده موسیقه اوسکونهسی ایشلهتیلیشینی منع قیلگن لیگی ایتیلهدی.
هرات ولایت کینگشی نینگ باشلیغی کامران علیزایی، محلی مسووللرنینگ تفاوتسیزلیگی اینیسقه ولایت امنیتی ادارهلرینینگ بی فرقلیگی باعث قوراللی طالبلر هرات نینگ ایریم تومنلریده خلقدن عشر و زکات ییغیشگه باشلهگن دیدی.
او، حاضرگی کونده هرات – اسلام قلعه یولی بوتونلهی نابرقرار دیگن.
هرات ولایت کینگشی نینگ اعضاسی محمد فاضل عفیف، مذکور قیینچیلیکلرنی نیچه مرته ولایت مقامیگه ایتگن لیکلریگه قرهمهی، لیکن هنوزگچه بو خصوصده عملده چاره تدبیر آلینمهگن لیگیدن شکایت قیلگن.
هرات ولایتی والیسی نینگ سوزلاوچیسی جیلانی فرهاد، ولایت نینگ بعضی بیر تومنلریده قوراللی طالبلر آرقهلی عسکرلیککه آلیش همده عشر و زکات ییغیشنی تصدیقلب، یوقاریده ایسه تیلگن تومنلرده جنگریلر نابود قیلینیشی اوچون افغان ملی کوچلری حربی تازهلش عملیات یولگه قویگنلر دیگن.
کهسان تومنی حاکمی امینالله سروری، مذکور تومنده قوراللی طلبلر بارلیگینی اعتراف قیلیب، لیکن بو جنگری گروه نینگ سانی جوده آز دیدی. او، قوراللی طالبلر ملی کوچلر بیلن یوزمه – یوز اوروش قیلیش قابلیتیگه ایگه ایمس دیدی.
