افغانستان جمهورلیک ریاستی نینگ بیرینچی اورین باسری جنرال عبدالرشید دوستم نینگ موترلری کاروانی گه قرشی مزارشریف-شبرغان قتناو یولی ده اویوشتیریلگن هجوم دن بیر کون اوتگنیدن سونگ، جمهورلیک ریاستی سیلاو تیرمه جماعهلریدن بیرقطاری، بو هجوم توغریسیده عکسالعمل بیلدیرگنلر.
مملکت اجراییه باشلیغی داکتر عبدالله عبدالله رهبرلیگی ده بولگن بیرلیک و برقرارلیک سیلاو تیرمه جماعهسی بیر خبرنامه آرقهلی جمهورلیک ریاستی بیرینچی اورین باسری نینگ موترلری کاروانی گه قرشی اویوشتیریلگن هجوم نی قاره لب و بو هجوم نی قورقاقلیک دیب و مسؤول ادارهلردن اوشبو واقعه عامللری تانیلیب و جزالنتیریلیشی خصوصیده تیزلیککه ایش گه کیریشی نی سورهگن.
بیرلیک و برقرارلیک سیلاو تیرمه جماعهسی نینگ اعلامیه سیده کیلیشیچه، بو هجوم اولرنینگ خواطری گه سبب بولگن.
خبرنامه ده کوپهیتیریلیشیچه، «افغانستان جمهورلیک ریاستی نینگ بیرینچی اورین باسری، مملکتده تینچلیک و برقرارلیک ستونلریدن بیری و بیرلیک و برقرارلیک مردمی تیرمه جماعه نینگ اینگ بویوک حامیلریدن بیری گه قرشی اویوشتیریلگن هجوم، طالبان گروهی بیلن تینچلیک سوزلشوولری اوتکزیلهدیگن بیر شرایطده، بیزلر و افغانستان اهالیسینی جدی شکلده خواطرگه سالگن.»
اوشبو سیلاو تیرمه جماعه امنیتی ادارهلردن جنرال دوستم نینگ خوفسیزلیگی تأمینلنیشی خصوصیده، خاص تدبیر آلیشلرینی سورهگن.
مذکور سیلاو تیرمه جماعه نینگ اعلامیهسیده کیلیشیچه، اوشبو موضوع یوزهسیدن طالبان و باشقه عصیانچی گروهلرنینگ قولاغی گه ییتکیزهمیز کیم، بوندهی قورقاقلیک و ناجوانلیک هجوملرنی اویوشتیریب جاری ییل جمهورلیک ریاستی سیلاویده کوچلی حضور و مردم سالارلیک حاکم بولیشی خصوصیده نه فقط اهالی نینگ اراده سیگه زیان ییتکیزه آلمهیدیلر، بلکیم تینچلیک سوزلشوولری جریانیده بو یولدن هیچ بیر یوتوق قولگه کیریته آلمهیدیلر.»
باشقه تاماندن، محمدحنیف اتمر رهبرلیگی ده بولگن تینچلیک و اعتدال سیلاو تیرمه جماعه سی نینگ مطبوعات دفتری بیر خبرنامه ترقهتیب جنرال دوستم نینگ موترلری کاروانی گه قرشی اویوشتیریلگن هجوم نی قاره لب و بو واقعه هر تامانلمه تیکشیریلیشی نی سورهگن.
اوشبو سیلاو تیرمه جماعه، مملکت یشاوچیلری و سیاسی شخصیتلرنینگ خوفسیزلیگی نی تأمین لش حکومت نینگ وظیفه لریدن بیریب دیب و حکومت دن بو توغریده جدی شکلده تیرگاو اوتکزیشی نی سورهگن.
خبرنامه ده کیلیشیچه، جنرال دوستم نینگ موترلری کاروانی هجوم گه دوچ کیلگن بیرچاغده، «او، افغانستان جمهورلیک ریاستی نینگ بیرینچی اورین باسری دیر و افغانستان یشاوچیلری و سیاسی شخصیتلرنینگ خوفسیزلیگینی تأمینلش حکومت نینگ وظیفهسی دیر.»
تینچلیک و اعتدال سیلاو تیرمه جماعهسی حکومت دن مملکت نینگ سیاسی شخصیت لرینی خوفسیزلیگی تأمین لنیشی خصوصیده خاص تدبیر آلیشی نی طلب قیلگن.
افغانستان جمهورلیک ریاستی نینگ بیرینچی اورین باسری جنرال عبدالرشید دوستم، کمیده اوچ ییلدن سونگ، اوتگن کون بلخ ولایتی گه باردی و مذکور ولایتده طرفدارلری نینگ آرهسیده نطق سوزلهگنیدن سونگ، جوزجان ولایتی گه تامان یول آلدی؛ بیراق موترلری نینگ کاروانی مزارشریف-شبرغان قتناو یولی «تیمورک» منطقهسیده طالبان گروهی نینگ پیستیرمهسیگه دوچ کیلدی. جمهورلیک ریاستی نینگ بیرینچی اورین باسری گه کوره، طالبان گروهی نینگ بو پیستیرمه سیده بیر قوروقچیسی هلاک و باشقه ایکی قوروقچیسی یرهلنگن.
بیراق، طالبان گروهی بیر خبرنامه ترقهتیب ایتیشیچه، اوتگن کون مذکور گروه تامانیدن جنرال دوستم نینگ موترلری کاروانی گه قرشی اویوشتیریلگن هجوم ده اونینگ اسدالله آتلی اونملی بیر قومندانی شامل 4 قوروقچیسی هلاک و باشقه 6 قوروقچیسی یرهلنگن و شونینگدیک، بیر تانکی و بیر رنجر موتری بوتونلهی نابود ایتیلگن.
جمهورلیک ریاستی نینگ بیرینچی اورین باسری جنرال عبدالرشید دوستم، مزارشریف شهریده طرفدارلرینی آرهسیده نطق سوزلهگن چاغیده ایتیشیچه، گرچند حاضرگهقدر تینچلیک سوزلشوولری جریانی خصوصیده مشخص موضوع آلمهگن؛ بیراق تینچلیک سوزلشوولریده چیتده قالگنیدن تنقید قیلگن.
جناب دوستم نینگ ایتیشیچه: «ترکیه ده بوش ایمس ایدیک، اوزبیکستانده بوش ایمس ایدی، تینچلیک سوزلشوولریده بیزلرنینگ قولیمیز اوستون بولسه ایدی، بیز دولت میز، بیز حکومت میز، بیزلر تینچلیک مذاکرهلریدن تشقریده قالمهیلیک، بیزگه صلاحیت بیریلسه 6 آیده 16 ولایتنی آزاد قیله آلمهسک یوزیمنی قاره قیلیب کیتهمن و شو 66 یاش مین اوچون ییترلی دیر.»
جمهورلیک ریاستی نینگ بیرینچی اورین باسری، جاری ییلنی افغانستان اوچون قانلی بیر ییل دیب ایتیشیچه، جمهور رئیس، اجراییه باشلیغی و ملی خوفسیزلیک کینگشی اونگه آلتی آی فرصت بیرگن صورتده، شمالی ولایتلرینی عصیانچیلردن تازهلیدی.
شو توغریده…
