افغانستان مالیه وزیری اکلیل حکیمی اوتگن کون بیر خبری ییغینده کابلده امریکهنینگ ایلچیسی مایکل کنیلی بیلن رواجلنتیریش بیر کیلیشوگه قول قویدی. مذکور شرطنامهگه قول قویگندن سونگ سوزلهگن جناب حکیمی، اوشبو کیلیشو اساسیده امریکا 800 میلیون امریکه دالری افغانستان حکومتیگه یاردم بیریشی کوتیلهدی.
رواجلنتیریش اوچون بیریله دیگن مذکور کومکلر توغریدن – توغری افغانستان حکومتی خزانهسیگه تولَنهدی. شونینگدیک یقین کونلرده امریکه دولتی آرقهلی یوز میلیون دالر همکارلیک بولیشی بارهسیده اشاره قیلگن جناب وزیر، مذکور کیلیشو اساسیده تورت ییل مدتده 800 میلیون امریکه دالری افغانستان حکومتیگه یارم کورسهتیلهدی.
مالیه وزیرلیگی رسمیلریگه کوره، اوشبو مملکت افغانستان حکومتی اداری فساد، قشاقلیککه قرشی کورهش و ملی حاکمیتنی مستحکملش بولیملریگه صرفلهنیب ایجابی نتیجه بیرگن حالده، بو مملکتگه یارم بولهدی.
ییغینده سوزلهگن امریکهنینگ افغانستاندهگی ایلچیسی مایکل کنیلی امریکهنینگ رواجلنتیریش ساحهگه کورسته دیگن یاردملری افغانستان خلقی قیینچیلیکلرینی حل ایتیشی بارهسیده امید بیلدیرگن.
ایتیش لازم، دنیا بویلب امریکه دولتی نینگ ییریک یاردمی افغانستان اوچون اختصاص لشتیریلگن.
شونینگدیک اوشبو ییغینده، ایچکی ایشلر، شهر قوریش، محلی مستقل ارگانلر ادرهسی و هبیتات موسسهسی اورتهسیده 33 میلیون دالرلیک شرطنامهگه قول قوییلگن.
محلی ارگانلر مستقل ادارهسی نینگ رییسی غلام جیلانی پوپلنینگ ایتیشیچه، مذکور کیلشونی امضالشدن نیت اوزاق منطقهلرده ترقیات لایحهلرنی کینگیتریش، محلی کینگشلر ایجاد قیلیش، عیاللر و یاشلر معمالرینی بر طرف ایتیش دیر. جناب پوپل، مذکور رواجلنتیریش و ترقیات لایحهسی نینگ مالی امکانیتلری چاپان، سویس و هالند دولتلری تامانیدن تولهنیلیشینی تیلگه آلگن. بو برنامه لر ولایتلرده تطبیق ایتلهدی.
شوکبی افغانستانده قیته قوریش لایحهلرنی کوزهتووچی امریکهنینگ مخصوص ادارهسی «سیگار» میلادی جاری ییلده نشر قیلگن گزارشده، افغانستان 2001- ییلدن هنوزگچه 109.7 میلیارد امریکه دالرینی ترقیات لایحهلر اوچون فقط امریکه دولتی تامانیدن قولگه کیریتگنلیگینی بیلدیرگن.
