افغانستان اوچون منطقهیی اقتصادی همکارلیکنینگ ایکّی کونلیک ییغینی کیلگوسی ایکی کونگهقدر (پنجشنبه) کابلده اوتکزیلیشی کوتیلهدی.
مذکور ییغینده منطقه دولتلرینینگ 30 بلند مرتبهلی هیاتی قوشیمچه 40 دن آرتیق خلق ارا تشکیلاتلرنینگ نمایندهلری اشتراک قیلهدی.
مملکت تشقی ایشلر وزیرلیگینینگ همکارلیکلر عمومی رییسی وحیدالله ویسینینگ بوگون (شنبه) کابلده عاموی اخبارات واسطهلریگه ایتیشیچه، منطقهیی متخصصلر اوچ بولیمدن عبارت منطقهیی مسالهلر جملهدن منطقه مملکتلری بیر- بیراویگه باغلهنیشی، منطقهیی انرژی، طبیعی منبعلر، خصوصی بولیم رواجلهنیشی تجارت کوچلهنیشی کبی موضوعلر اوستیده بحث آلیب باره دیلر.
شونینگدیک جناب ویسی، ییغینده همکارلیکلر و انرژی قابل تجدید و منطقهیی اتفاق اوستیده گپیریلیشی ممکن لیگینی ایتگن.
ویسینینگ سوزلریگه کوره، ریکانینگ آلتینچی ییغینیده تاپی، کاسا بیرمینگ، ایپک یولی، لاجورد خطی و تیمیر یول مسالهسی توغریسیده هم بحث اوتکزیلیشی انابتگه آلینگن.
تشقی ایشلر وزیرلیگینینگ سوزلاووچیسی شکیب مستغنی ریکانینگ آلتینچی ییغینی منطقه مملکتلری بیر- بیراوی بیلن باغلهنیشی، اقتصادی همکارلیکلر کوچلهنیشی، منطقهیی اویغونلیک و بو مملکتلر ملی منفعتی اوچون ییریک اهمیتی بارلیگینی بیلدیرگن.
ریکانینگ بیرینچی ییغینی میلادی 2005- ییل کابلده اوندن سونگ 2006، 2009 ، 2011 و 2012- ییللرده ترتیب اساسیده ینگی دهلی، اسلام آباد، استانبول و دوشنبهده اوتکزیلگن ایدی.
