ملی بیرلیک حکومت اجراییه ریاستی، اوتگن چهارشنبه کون کیچ قورون طلوع تلویزیونینینگ ایشچیلری اوستیگه اویوشتیریلگن هجوم توغریسیده تأسف بیلدیریب ایتیشیچه، یمان شرایطده معلومات ییتکزیش خصوصیده طرفسیز و صداقت بیلن ایشلب کیلهدیگن میدیاچیلر جانیگه قصد قیلینیشی، قوراللی طالبلرنینگ حقیقی چهرهسینی کورستهدی.
اوتگن کون (30- جدی) ده اویوشتیریلگن هجوم نتیجهسیده، کابورا پرودکشن ایشچیلریدن 6 کیشی جان بیرگن و باشقه 27 تینچ اهالی یرهلنگن.
اجراییه ریاستی خبرنامهسیده کیلیشیچه، قوراللی طالبلر بو هجوم ارا دینی، مدنی و انسانی ارزشلرگه ایشانچی یوقلیگینی کورسهتیب، زوره وانلیک و جنایت چیلیکنی هدف قرار بیرهدی. حکومت اجراییه باشلیغی عبدالله عبدالله، اوشبو خبرنامهده مملکت امنیتی کوچلریدن میدیاچیلر و خبرچیلر امنیتی تأمینلنیشی خصوصیده، هیچ قندهی سعی و حرکتدن وازکیچ مسلیکلرینی سورهگن.
شونینگدیک، مملکت جمهور رییسی، اوتگن کیچه بیر پیام آرقهلی میدیا فعاللری و تینچ اهالی هدف آستیگه آلینیشینی قوپاللیک، انسانی و اسلامی ارزشلرگه قرشی بیلیب و اونی قتیق قارهلگن.
میدیا ایشچیلریگه قرشی بیرینچی هجومنی قارهلش نیتیده، اوزگرتیریش و اصلاحات خصوصیده فعال یاشلر ترماغی، بوگون خبری ییغین اوتکزیشلری ممکن. شونینگدیکف افغانستان سوز ایرکینلیگیدن حمایت ایتووچی تشکیلات (نی)، مذکور هجوم توغریسیده خبری ییغین اوتکزهدی.
قوراللی طالبلر بیر خبرنامه ترقهتیب، اوتگن کونگی هجوم مسؤولیتینی بوینیگه آلگن. مذکور گروه ایسلنگن هجومنی طلوع تلویزیونی بیلن باشقه میدیالر جزاسی دیگنلر.
شونینگدیک، قوراللی طالبلر بوندن آلدین، اوز اینترنتی صحیفهسیده، طلوع و یک تلویزیونلرینی تهدید ایتگن ایدی.
