امنیتی منبعلردن بیری آتی فاش ایتیلیشینی ایستمهی سلاموطندارگه ایتیشیچه، بوگون ایرتهلب قندوز- خانآباد چنزایی خیابانی کتهخیل منطقهسیدن طالبلر بیر 304 بس موترینینگ کمیده 45 دن 47 یولاوچیسینی اوغیرلگن.
منبعنینگ ایتیشیچه، یولاوچیلر رقمی بیللی ایمس و میزانی کوپهییشی ممکن.
قندوز امنیه قومندانی قسیم جنگلباغ اوشبو خبرنی تصدیقلب ایتیشیچه، بوگون ایرتهلب ساعت 8 ده قندوز ولایتی باغ امیری منطقهسیدن طالبلر بیرقطار یولاوچینی اوغیرلگن و یولاوچیلرنینگ دقیق رقمی حاضرگچه معلوم ایمس. جنگلباغ گه کوره، یولاوچیلرنینگ آزاد ایتیش اوچون عملیات باشلنگن و اوشبو عملیات نتیجهسیده حاضرگچه 3 یولاوچی طالبلرنینگ قولیدن قوییب یوباریلگن.
شونینگدیک، قندوز ولایت کینگشی باشلیغی محمدیوسف ایوبینینگ ایتیشیچه، بوگون چهارشنبه ایرتهلب قندوز- تخار قتناو یولی لودین منطقهسیده طالبان گروهی یولاوچیلرنی تیکشیریش اوچون پوسته ایجاد ایتگن و تیکشیرگنیدن کیین، یولاوچیلرنی اوزلری بیلن آلیب کیتهدیلر.
جناب ایوبیگه کوره، حاضرگچه یولاوچیلرنینگ رقمی بیللی ایمس، بیراق ایچکی ایشلر وزیرلیگی سابق امنیتی اورین باسری ایوب سالنگی، تویتر صحیفهسیده اوغیرلنگن یولاوچیلرنی 25 کیشی دیگن.
شونینگدیک، قندوز ولایت کینگشی اعضاسی امرالدین ولینینگ سلاموطندارگه ایتیشیچه، طالبلر اوشبو یولاوچیلرنی باغ امیر یولیدن کوبهیی و کلم منطقهلریگه آلیب کیتهدیلر.
اوشبو منطقهلر قندوز شهرینینگ تورتینچی حوزهسیگه تیگیشلی بولهدی و منبعگه کوره، منطقهدن اوق سیسی ایشیتیلهدی و احتمال باریچه یولاوچیلر قوییب یوباریلیشی خصوصیده عملیات یولگه قوییلگن.
طالبلر حاضرگچه بو توغریده هیچ نرسه دیمهگن.
