هرات پولیس رسمیلرینینگ ایتیشیچه، مذکور ولایت نی 14 ولسواللیگیده 1300 دن آشهراق قوراللی طالب فعالیت قیلهدی.
هرات امنیه قوماندانی عبدالمجید روزی نینگ دوشنبه کونی بیر خبری ییغینده ایتیشیچه، اولرنی قولگه کیریتکن معلومات لریگه کوره، مذکور ولایتنی کوپینچه تومنلریده جنگریلر فعالیت قیلهدی.
اونگه کوره، شیندند ولسواللیگیده طالبلر کینگ صورتده حضور تاپگن، انو شو اساس طالبلرنینگ رقمی هرات 1500 دن کوپراق.
جناب روزی، گلران، اوبه، شیندند و کشک کهنه تومن لری هرات ولایتی نینگ ناتینچ منطقهلریدن بولگنلیگینی ایتگن.
اونینگ کوپیتیریشیچه، پشتون زرغون، چشت، غوریان، زنده جان و کهسان تومنلری امنیتی باشقه جایلرگه کوره یشخی. گذره، کرخ و انجیل تومن لری انده – سنده طالبلرنینگ فعالیت مرکزیگه ایلنهدی.
عینحالده، هرات ولایتی امنیتی رسمیلرینینگ ایتیشیچه، مذکور ولایت امنیتی کوچلری دشمنگه قرشی کورهشیش اوچون تیارگرلیک آلگن.
بوندن آلدین نمایندهلر کینگشی نینگ ادعا قیلیشیچه، جنگریلر دیورند چیزیغینی او تامانیدن افغانستانگه کیلهدی و هرات تامانیدن مملکت شمالیگه اوتکزیلهدی.
هرات ولایتیده قوراللی طالبلر فعالیتی یانیده اورغیرلاووچی گروهلر هم بو ولایتده فعالیت قیلهدی. ایتیلیشیچه، اوغیرلاووچیلیک دلیلی باعث سرمایه یاتقیزووچیلر میلیونلرچه دالرنی مذکور ولایتدن چیقارگن.
شوندهی بیرحالده جمهور رییس غنی هرات ولایتیگه قیلگن سفریده بو ولایتگه جدی صورتده دقت قیلیشگه وعده بیرگن ایدی.
