هرات پولیسیگه کوره، بیش کیشیلیک بیر تروریستی گروهینی امنیتی کوچکلر و تینچ اهالیگه قرشی هجوم اوتکزگنلیگیگه قولی بار ایکن.
ایتیلیشیچه، بوکیشیلر هر بیر خوفسیزلیک کوچلرینی اولدیریش اوچون یوزمیگ افغانی آلرکنلر.
2- ثور، هرات پولیس باشلیغی عبدالمجید روزی نینگ بیر خبری ییغینده سوزگه چیقیش قیلیب ایتیشیچه، ایریم اتهاملر بیلن 10 کیشی توتیلگن.
اونگه کوره، مذکور کیشیلردن 5 تهسی نظامی قورال قاچاق قیلیش و زناگه متهم بولیب توتیلگن وباشقه 5 ایسه، امنیتی کوچلرنی ترور قیلیشگه قوللری بارلیکگه توتیلگن.
جناب روزینینگ کوپهیتیریشیچه، مذکور گروه مالی تمویل قیلوچی شخص حکومت قرشیسیده بولگن «حاجی وزیر» ناملی طالبلر باشلیغلریدن بیری ایکن. هرات پولیس باشلیغینینگ کوپهیتیریشیچه اوتمیش ایکی آی دوامیده بو اوچینچی تروریستی گروه دیر، امنیتی کوچلر تامانیدن توتیلگن.
اونینگ بیلدیریشیچه، مذکور گروه هرات شیدایی منطقه سیده کوچلی هجوم بجریش جرمینی قبول قیلگن. جناب روزیگه کوره، قولگه آلینگن گروه هرات 30 مترلیک یولیگه ماین اورنهتیش مسؤولیتی نی هم اوز زمه سیگه آلگن ومذکور ماین امنیتی کوچلر تامانیدن خنثی ایتیلدی.
هرات پولیسینینگ تروریزیمگه قرشی کورهشیش آمریت مسؤولی فضلالرحمان خادمنینگ ایتیشیچه، ولایتده امنیتی کوچلر قرشی سیده اوتکزیلگن 5 تروریستی هجومنی قبول قیلگن.
