انترنشنل دموکراسی تشکیلاتی نینگ فکر اورگهنیش اساسیده اولکه یشاوچیلریدن 94 فایزی جمهور رییس غنیگه ایشانچی بارلیگینی کورستگن.
بوفکر اورگهنیش « افغانستان سیلاولریدن اورگهنیلگن و مدنی سیلاو اورگهتیش» نامیده یولگه قویلگن ایدی، اولکه 34 ولایت یشاوچیلریدن 4020 کیشی ملی بیرلیک حکومت ایشینینگ ایکی آی اولیده مذکور سوز اوتکزیلگنلیگینی بیلدیردی.
انترنشنل دیموکراسی تشکیلاتینینگ فنی مصلحتچیسی زکریا بارکزی اوشبو فکر اورگهنیش کورسه تیشیچه سوز اوتکزگن تینچ اهالیدن 92.3 فایزی پارلمانی سیلاو بولیب اوتمسدن آلدین سیلاو نظامیگه اوزگریش کیلتیریلیشینی سورهگنلر و بولردن گینه 4 فایزی سیلاو کمیسیونیگه اوزگریش کیلتیریشده قرشی فکر بیلدیرگنلر.
مذکور فکر اورگهنیش کورسته تیشیچه، اولکه یشاوچیلریدن81 فایزی حاضرگی شرایطدن رضایت کورستگنلر و 48 فایز ایسه مذکور حالتده راضی ایمسلیگینی بیلدیرگنلر و حاضرگی قیین چیلیکلرنی حل ایتیش اوچون حکومت موفق بولیشیگه ایشانچلری یوق.
شونینگدیک سوز اوتکزگنلردن 86 فایزی طالبلرگه نسبتن ایشانچلری یوق لیگینی بیلدیرگنلر؛ اوتگن ییللرگه قره گنده ایشانچ سیزلیک سانی کوزگه کورینرلی یوقاری کیتگن.
اوتکزیلگن فکر اورگهنیش نیتجه سیده قره گنده، کیله سی سیلاولر اوچون قتنشه دیگنلر ساینی یوقاری سطحده کورینهدی، اما بولردن92 فایزی افغانستان سیلاو نظامیگه اوزگریش کیلتیریشنی سورهگنلر. انه شو حالده سوز اوتکزگنلر 28 فایزی سیلاو کمیسیونلریده فساد بارلیگیگه اشاره قیلگنلر.
فکر اورگهنیش آقیمیده قتنشگنلردن 63 فایزی بولیب اوتگن سیلاو نتیجه سی خلق ایستهگیگه یرهشه ایکنلیگینی بیلدیرگن و 15 فایزی ایسه سیلاوده قلاب کارلیکلر بولگنلیگی سیلاو کتته قیینچیلیکلردن ایکن لیگینی بیلدیرگنلر.
افغانستان سیلاو ایرکین و عدالتده اوتکزیله دیگن تشکیلات عضوی نعیم اصغری اوشبو اولتیریشده قتنشگن ایدی، تینچ اهالینینگ سیلاو نظامیگه اوزگریش کیلتیریلیش فکرلرینی آلقیشلیدی؛ اما بو فکر اورگهنیش آقیمی ایریم بولیملرینی باشقچه کورهدی.
اونگه کوره باید بو فکر اورگهنیش ینه هم دوام تاپسه ایدی. نیگه کی ملی بیرلیک حکومتی سونگی آییلرده بیرگن وعده لرینی عملگه آشیرمه گن لیگینی تیلگه آلدی.
اما فکر اورگهنیش جریانیده 57.6 فایز اشتراک چیلرنینگ قومی علاقهلر بارلیگی اوتمیشدن کوره آزهیگنلیگینی بیلدیرگن.
مذکور فکر اورگهنیش پروسه سیده قتنشگنلردن53.3 فایزی جمهور رییس پارلمان مصلحتی بیلن تصمیم آلیشینی سورهگنلر و 35 فایزی هم پارلماندن مصلحت آلمسینی ایتگنلر.
بو فکر اورگهنیش کورسه تیشیچه اوشبو ییل جمهوری ریاست سیلاوی حیقده 40 فایز تیلویزیونلر و 93 فایز هم رادیولر تاثیرلی بیلدیریش منبعلرایکنلیگی ایتیلگن.
انترنشنل دموکراسی تشکیلاتی نینگ فکر اورگهنیش پروسه سی ینه بیر قسمتیده صحبت اوتکزگنلردن19.5 فایزی ایرکین سیلاو کمیسیونیگه و 14 فایزی هم سیلاو شکایتلریگه ایته دیگن کمیسیونگه ایشانچلری بارلیگینی کورستگن.
مذکور پروسهده صحبت اوتکزگنلردن 90 فایزی عیاللرنینگ سیلاوده قتنه شیش حقلری بارلیگینی بیلدیرگن و 75 فایزی هم بولر سیاسی بولیملرده کوپراق حضور تاپیشلرینی ایتگنلر.
اوشبو تشکیلات شو پیتده 1393- ییل سیلاوی حقیده اوتکزگن فکرنی ترقتگن دیر کی دنیا بویلب افغانستان سیلاوی اوزون پیتنی اوزیگه آلگن و جنجال لیک سیلاو دیب تانیلگن.
