جرمی دوسیهلرنینگ برقی سیستم آرقهلی مدیریت قیلیش جریانی بوگون (سهشنبه) هرات ولایتینینگ امنیه قوماندانلیگی قوشیمچه عدلی و قضایی ادارهلرده فعال ایتیلدی.
مذکور سیستم بوندن اوچ ییل آلدین افغانستان عدلی بولیمینی حمایت قیلیش برنامه (جی. اس. اس. پی) تامانیدن ولایتنینگ امنیه قوماندانلیگی شامل عدلی و قضایی ادارهلرده ایجاد ایتیلگن ایدی.
هرات تجدید نظر باشقرهلاووچیلیک رییسی سمیعالدین رهیننینگ مذکور سیستم آچیلیش مراسمیده قیلگن چیقیشیده ایتیشیچه، بوندن بویان برچه کشفی دوسیهلر باسقیچی مذکور زمانوی برقی سیتسم آرقهلی تیکشیریلهدی دیگن.
جناب رهینگه کوره، بوندن آلدین برچه قضیهلر ایسکی سیستم آرقهلی تیکشیریلردی و بو سیستم اساسیده دوسیهلر معین وقتده تیکشیریلمسدی.
هرات ولایتینینگ محلی مسؤوللریگه کوره، مذکور سیستم اساسیده اداری فساد و حادثهلرگه عیبلگنلر دوسیهسی وقتیده تیکشیریلهدی. ایتیلیشیچه، بوندن آلدین برچه قضیهلر دوسیهسی ایسکی سیستم آرقهلی تیکشیریلردی.
عین حالده، ولایت تجدید نظر عالی محکمهسینینگ رییسی سید عبدالغفار زبیرنینگ سوزلریگه کوره، بوندن آلدین عیبلگنلر خانهدانی و بعضی حاللرده عاموی اخبارات واسطه لری هم دوسیه توغریسیده ییترلی معلومات قولگه کیرتیشگه موفق بولمسدیلر. لیکن ینگی سیستم ایشگه کیریشی بیلن برچه کیشیلر سایتگه کریب عالی محکمه، باشقرهلاوچیلیک و پولیس فعالیتلریدن معلومات قولگه کیریتهدیلر.
مذکور سیستم فعالیتگه باشلنگن لیگی هراتلیکلر تامانیدن خوش قرشیلنگن. اولرگه کوره، مذکور سیستم اساسیده آمدلرنی ادارهلردن بیهوده باردی کیلدیسی همده اداری فساد اوچون یاردم بیرهدی.
گزارشلرده ایتیلیشیچه، بوندن آلدین هرات قماقخانهسیدهگی محبوسلر دوسیهلری تیکشیریلمسلیگی همده ادارهلردهگی موجود فساد توغریسیده اعتراض بیلدیریب ایریم حاللرده آچیلیک اعلان قیلیب و بعضی وقتلرده ایسه لبلرینی تیکیشگه قول اورگنلر.
